[年齡無界限] 就係咁，我最近出席好多喪禮: １４９　倒數

唔好見我地好似好有組織咁，其實小段口中個計劃都只係叫我同珍妮是但一個走去跟我地果個人身後面捉住佢。

無錯，姐係螳螂捕禪，黃雀在後。

你地唔好話呢個計劃過時又老套，其實好多舊方法永遠都係最有用果個。

小段有佢繼續返去，後面果個人有佢繼續跟……不過都幾搞笑下，如果我見到本身三個人行，而家得返一個人我點都會睇定Ｄ先行動。

而我同珍妮而家就一左一右係跟緊我地果個人後面。





等左一陣，珍妮向我呢個方向做左好幾個手勢。

……都唔知佢想表達咩野……

所以我回以一個我唔知佢想點嘅動作，但佢竟然同我舉起個手指公。

喂！姐係點啊！

然後佢又做左好幾個手勢，我仍然係用一個不明所以嘅眼神同佢做動作，但係都仍然唔知我其實唔知佢做緊咩。





直到珍妮無啦啦舉起五隻手指。

……佢其實想搞咩啊？

四隻。

……我唔識讀佢心，根本唔知佢做咩。

三隻。





……等等！睇黎佢個勢似係！？

兩隻。

係啊！原來佢倒數緊啊！但佢倒數緊Ｄ咩呢？

一隻。

原來佢係倒數緊衝出去制服跟住我地果個人。

我眼見到珍妮衝左出去果陣我先識得一齊衝出去，最後都好彩同捉到跟我地果個人，我地睇清佢個樣，無真係無諗過跟我地果個人係……「天語！點解係妳！」