[年齡無界限] 就係咁，我最近出席好多喪禮: １２７　不祥之兆

面對住細路祥幫阿里嘅事情求情，講真，就算佢唔求我，我都會幫阿里講好說話，不過如果真係好似細路祥所講買兇殺人嘅話，我就真係幫佢唔到……

而成件事，真係係我最唔想發生嘅情況下而發生，而且就係一個預料唔到嘅情況。

今日我係屋企，比人搶左份報告已經幾日，差人仲揾緊，阿里亦自從果一晚後就無再見到佢返過黎，可能只係我撞唔到佢。

但而家我面對嘅，係另一樣野，我前妻小桃紅好嬲咁坐係我對面怒目望住我，而龍仔就坐係佢旁邊，若無其視咁瞻天望地。

「你點可以比人搶走左份報告架！」小桃紅好大力咁拍左一下枱。





「你係未特登玩野啊！」又拍多左一下。

「係未你自編自導自演成件事啊！」唔知張枱痛Ｄ定佢隻手痛Ｄ呢？

「你答我啦！仲咩野唔出聲啊！」佢好嬲咁咆吼。

其實我都預左佢知道份報告比人搶左會發癲，不過面對住佢都係仍然好震憾。

「差人已經幫緊手搵緊報告……」「搵咩野！差人有撚用嘅咩！」女人嬲起上黎，真係咩都夠膽鬧。





最後佢係我屋企嘈左成三個鐘，最後累佢先肯走，我送佢地落去樓下果陣，佢仲同我講緊份報告嘅事。

但係，我無在意佢不停嘈，而係在意緊點解我又察覺有人跟緊我嘅感覺……但奇怪嘅係當送走左佢地後，呢一種感覺就無左。

但係卻有另一種不祥之兆。