[年齡無界限] 就係咁，我最近出席好多喪禮: １０７　士多短聚

最後我地約左另一個時間先再交換情報，點解唔直接講？唔通係個山頭講呢Ｄ野咩，有熱有多蚊，坐又坐得唔舒服，點解要有自唔在拎苦黎辛？

不過我地都係約左當晚係一山下嘅士多仔見。

我地一行三人係士多等天語期間，都講左好多野，直到天語嘅出現。

「點啊？影唔影到妳想要嘅野啊？」珍妮問。

天語點一點頭話：「有係有嘅，不過未係最理想。」





啊……佢嘅理想定義係Ｄ咩，我就真係唔知拿。

天語另一位同事話要拎Ｄ野返去先，所以就走左，而士多入面，除左老闆外，就得返我地四個人。

「我叫左野食先，然後就入正題啦。」天語叫左Ｄ野食後，就問我：「輝爺，你果份比人搶左嘅報告，係Ｄ咩野黎？」

見佢問得咁直接，我都好直接講佢聽：「果份係一份ＤＮＡ報告，係好多年前我瞞住我前妻，拎左阿仔Ｄ頭髮去驗。」

天語聽到呢到，眼前一亮問：「咁份報告嘅結果係？」





「我都想知……」我答。

「咩野你都想知啊，你驗左出黎唔睇給果架。」天語講嘅呢句話，就好似好大力咁打左我一野。

我無講野低下頭，而小段同珍妮就默默咁對住天語點頭。

「下，你真係無睇結果？」天語嘅驚訝後，回意到自己講得太直接，吱唔左一下後就轉左另一個話題：「咁你地搵返份報告未？」

「未，尋日被人搶左已經報左警，但應該未有咁快有結果。」小段話。





天語諗左一陣後就話：「尋日追嘅時候，睇佢應該唔係地道香港人，應該好快會搵到，所以你地唔駛擔心。」

「嗯。」我點一點頭，然後話：「咁我而家可以問下，妳點解查野會查到跟住我未？」