[年齡無界限] 就係咁，我最近出席好多喪禮: １０３　城中富豪

係差局入面，銅ＳＩＲ同我落緊口供，落完後就問我：「坐係小段旁邊果個女仔，係邊個黎架？」

我望一望去小段度，見到佢好落力咁ＳＥＬＬ緊佢Ｄ　ＰＬＡＮ比頭先個女仔，然後答銅ＳＩＲ，「都係岩岩先識，好似係記者黎。」

「記者？」銅ＳＩＲ疑惑左一下，「都未聽過小段識個記者朋友架……」

「我諗小段都唔識佢。」我話。

行到小段面前，佢先察覺到我，佢停止左ＳＥＬＬ野然後問我：「落完口供？」





「係。」我答佢。

而果位叫天語既記者呢個時候企左起身同我講：「你好啊輝爺。」

「點解妳知道我叫輝爺？」我問。

「頭先小段話我知。」我聽到後望一望小段，而小段就好尷尬咁笑緊。

一陣先教訓佢，而家我最想問既有幾件事，「天語小姐，我想問妳最近係未有跟住我？」





我呢個問題問左出口後，小段呆左一呆望住天語，而天語就好似一個比人捉到做壞事既小朋友咁，好唔自然咁話：「……係。」

「點解要跟住我？」我問。

天語吱唔左一下話：「因為最近我跟緊一單新聞，又咁岩關關地你事……」

「關我事？」我問，而小段就重覆左我既問題，「係囉，關輝爺事？」

「係咩野事？」我再問，天語先話我知佢所跟既事，「近排有個消息，話有個富豪有一個私生子，老總要我跟呢條線，跟左一排發現同你有關。」





「同……你有關？」小段好似諗起Ｄ野，「輝爺，唔通係你個……」我厲一厲眼望住小段，佢先察覺自己講多左。

而天語聽到小段既說話，好似覺得自己發現左新既資料，所以追問我地：「頭先你地係銀行拎果份係咩野黎架？我聽到你比搶走果一刻大叫左一聲報告，係Ｄ咩野報告黎架？」

天語既追問，呢一刻我無理過，我而家只係不停回想返小桃紅講過既說話。