[年齡無界限] 就係咁，我最近出席好多喪禮: ７３　送別旅行

拎住塊失而復得嘅金牌，我不停多謝我面前嘅銅ＳＩＲ，而佢就話：「唔駛客氣，小段嘅朋友姐係我嘅朋友，我由細睇到佢大，呢Ｄ小事點會唔幫。」

然後，佢拎左一包野比我，我奇怪咁望一望佢，「除左塊牌，你應該仲有其他野比佢地拎左。」

我聽到後，明白地打開左包野，係比搶走嘅三萬大元。

見到呢三萬大元，再諗返起龍仔所講嘅說話，都唔知開心好定唔開心好。

「睇黎，塊金牌對你真係好重要，如果唔係點解見到拎塊兩樣野嘅對比會咁大。」銅ＳＩＲ話。





而我只係嘆一嘆氣答佢：「一個，我覺得對而家嘅我係最有意義要做嘅野，而另一個，係一樣我已經心淡嘅野，反應緊係會唔一樣啦。」

銅ＳＩＲ聽到後，拍一拍我個膀頭話：「無論年紀去到幾大，做自己覺得最有意義嘅野，永遠都係正確。」

「嗯。」我點頭認同。

拎返塊牌，我即刻搞好晒要登機嘅手續，仲同左小段佢地講我會好快去搵佢地，而果三萬蚊，我兌晒做要去瑞士嘅洗費。

今次去瑞士，可以話係志威金生人最後嘅旅行，對於佢黎講可以話係死亡旅行，但對於同行送別佢嘅人黎講，呢一個係送別旅行。





而我一上機就訓，因為呢幾晚真係訓得唔好，好累……直到，飛機降落前空姐叫醒我。

我一早已經同小段講左我大嘅會幾時落到機，而佢就係差唔多嘅時間等我，一到機場大堂，就已經見到小段同珍妮兩個人舉起寫坐我個名嘅牌。

「咁重要嘅時候，你竟然遲到。」珍妮話。

我笑左幾聲無諗住答佢，而小段就問我：「拎返？」

我比左個ＯＫ嘅手勢，而珍妮就不停問我地有咩野瞞住佢。





打鬧左一陣，我就上左佢地安排左嘅車，去志威而家所住嘅地方。