[年齡無界限] 就係咁，我最近出席好多喪禮: ７１　銅ＳＩＲ

平時呢個時間，我應該訓緊覺，我而家同小段一齊行緊，行到一個大排擋。

「舅父話係度見架ＷＯ……搵到拿。」小段望向一個方向，而我都跟佢望過去，見到嘅，係一個中年男人係度飲緊大啤。

我同小段行左過去，「舅父，黎左好耐拿？」

「啤酒都飲左三支，你話呢。」小段舅父講完後，就望一望我，「你講果位朋友就係呢一位？」

小段點一點頭。





「你個死仔又為左生意搵Ｄ上左年紀嘅阿伯做朋友啊。」我聽到小段舅父呢句說話，尷尬左一陣，不過睇得出佢其實係講笑，所以之後都無咩野。

我同小段坐低左後，小段就介紹佢舅父，「輝爺，呢位銅ＳＩＲ，當左好多年差架拿，我每年都有好幾次麻煩佢架。」

「咁……你舅父會唔會幫到我……」我呢句都未問晒，佢舅父就話：「幫實幫到，不過要你話比我知係邊度見過果個人，同埋最緊要係認同果個人，最後係你陪我去認啦，認完之後所有事就交比我得拿。」

「但係……我聽日……」「小段話左我知，你地聽日要去瑞士……」銅ＳＩＲ諗左一諗，「你可唔可以遲一日先去？」

佢突然咁問，我都唔知點答佢，但係當我思考緊佢嘅問題果陣，佢就話：「如果果件事係好重要嘅話，等多日應該唔係問題，係未？」





銅ＳＩＲ嘅說話有佢嘅道理，而我就同小段講：「咁你幫我改一改張機票，我遲一日先去。」

事不廷遲，銅ＳＩＲ飲埋呢支大啤，就叫我帶佢去搵果個南亞裔人，而我就叫小段走先早點返去休息，因為佢聽日同小慧佢地飛去瑞事，如果無左佢去安排就好煩。

仲有嘅係叫佢唔好將呢件事講比佢地知。

第一次見到陌生人，已經唔知講咩好，更何況係一個差佬……

「係呢，你點識小段？」銅ＳＩＲ問我。





「我係有一次陪朋友去老人院果陣，小段走過黎同我地講佢Ｄ計劃……」我都未講晒，銅ＳＩＲ就擰晒頭。

「銅ＳＩＲ仲咩咁反應啊？」我問。

「無，估唔到個傻仔咁都已經咁多年，都仲未放得低果件事。」銅ＳＩＲ話。

「果件事？」估唔到，唔止珍呢有秘密，睇黎小段都有好多。

銅ＳＩＲ嘆左口氣後話：「佢嘅家事黎，不過對佢係好定壞，真係好難講，發生左果件事後，先會有而家嘅小段。」

「而家嘅小段？」我又問。

「一個肯去為事業打拼同放低物段嘅小段。」銅ＳＩＲ話，而佢講完呢句後，我就見到我地面前果個小巴站，有一個好似果位南亞裔青年嘅人。

「銅ＳＩＲ，好似係果個人。」我話。





而銅ＳＩＲ望一望我所講嘅果個人，「咁做正經野先，我地行前少少，你確定下係未呢個人，如果係嘅話，之後嘅事就交比我，你返屋企等我消息。」