[年齡無界限] 就係咁，我最近出席好多喪禮: ６２　交換秘密？

「輝爺……你快Ｄ講我知啦……」由離開醫院，珍妮就好似冤魂咁不停跟住我身後面，「你同契媽都好衰架，講Ｄ唔講Ｄ。」其實係佢特別煩？定係Ｄ女人都係特別煩呢？

「我唔會講架，妳想知去問妳契媽囉。」我話。

「佢肯定唔講啦。」珍妮話：「你就見我幫你個仔搵工嘅份上，話我知啦。」

「唔講啊，妳契媽唔講，去搵妳契老豆講妳知囉。」我話。

「唔得啦，要聽佢一隻字一隻字講出黎，我唔怕有排聽，Ｄ讀者都會話呃字數啦。」珍妮嘅說話又有佢嘅道理。





而係後面一直無咩野講嘅小段，就話：「輝爺，其實最後一頁嘅祝福，會唔會同上次珍妮契老豆同你講對唔住有關啊？」

我停低左腳步望住小段講：「你呢個人睇唔出又幾心水清ＷＯ。」

「咩啊？關事？點解關事啊？」仲係唔知情嘅珍妮不停問。

而我同小段一刻，露出左一個不懷好意嘅眼神。

「其實，我知道妳都有好多秘密，但妳無比我知。」我望住珍妮話。





「我知少少，不過都覺得妳仲有好多野瞞住我地。」小段望住珍妮話。

珍妮呢一刻好似感覺到事態不妙，「我想知校刊嘅野，關我Ｄ秘密咩野事ＷＯ。」

「如果妳唔講Ｄ我知，我就唔會話妳知校刊嘅野。」我呢Ｄ係未可以叫做等價交換呢？

「咁……」快啦，快Ｄ講我知啦，「……我唔想知拿而家！有寶咩！」珍妮講左呢句後，就繼續向前行。

……失敗左添。





「算啦輝爺，如果佢想講，總有一日會講妳知嘅。」小段話。

「咁不如你講你知果Ｄ我知未得囉。」我話。

「……輝爺你咁好似有少少唔公平。」小段話。

「點會啊，我老人家黎架，你未當敬老囉。」我話，我真係唔知點解我可以講得出呢一個借口。

「唔好講呢Ｄ住……珍妮呢？唔見左？我地追返佢先啦。」好明顯小段係想轉話題先咁講。

算啦，小段講嘅又岩，如果珍妮想講，總有一日佢都一定會講。