[年齡無界限] 就係咁，我最近出席好多喪禮: ４９　上路

第一日嘅喪禮結束，大家都好累所以食左少少野就返屋企，坐住架十六座，腦入面不停諗返頭先小段同珍妮嘅對話。

小段好似知道珍妮搵緊Ｄ野，搵咩呢？點解要係喪禮到搵呢？

平時見到珍妮本身覺得佢係一個好正面嘅野，但點解無啦啦佢會講Ｄ咁負面嘅野？頭先個珍妮真係同我平時識嘅珍妮好唔同……

唔通！？

珍妮佢有雙重人格！？





「喂！阿伯！得返你一個仲未落車啊！未阻住撚住晒啦！」如果唔係個司機咁撚大聲鬧我，我真係唔知已經到左總站。

死火，坐過左站添，「我坐過左站……」「咁就落車坐過另一架啦！」其實有時Ｄ司機大哥仲好火過我地呢Ｄ老野。

落車坐另一架車，係另一架車上面，坐左好幾個後生仔，以佢地嘅野扮黎睇，一眼望落去就知佢地係問題青年，同埋，佢地睇落係南亞裔人士。

我唔係岐視呢一個種族嘅人，但唔知點解我見親呢Ｄ人，十居其九都成個問題青年一樣。

佢地不停用只有佢地聽到嘅語言傾計，期間夾雜住Ｄ廣東話，我地成車人都唔係幾理佢地，可能，係驚左佢地。





坐左幾個站終於到返我自己要落車嘅車站，就係我要落車果陣，一個南亞裔衝左出黎，撞開左我後落左車。

我隔左陣先回一點神，「……一句對唔全都無！有無搞錯啊！」只見個南亞裔青年向我比左個中指，「阿伯，咁大年紀就唔好出夜街啦，阻住個地球轉啊。」

估唔到呢個南亞裔青年廣東話咁好。

小插曲後，我慢慢行返屋企，仲係諗緊珍妮同小段嘅野。

入睡，今晚可能好累，一訓落床就訓著，第二朝早如果唔係阿然打比我問我食左早餐未，我都唔知醒。





第二日嘅儀式因為得半日，所以都好簡單，而其中一個儀式叫左「買水」，其實呢個儀式會同另一個儀式叫「擔幡」一齊做，一齊做意思係指同一個喪禮上面，分唔同吉時做，而蔡老闆呢個喪禮，「擔幡」尋晚已經做左，只係做嘅時候我咁岩去左廁所，而今次「買水」小段一早已經叫左蔡老闆個仔準備個五蚊銀。

「點解要咁做？」我問企係我旁邊，一齊睇住師父教蔡老闆進行儀式嘅小段。

「呢Ｄ意頭野，希望走左嘅親人會可以保佑在生嘅人，風生水起。」我地望住蔡老闆個仔，跟住師父嘅指導下做完成個儀式。

第二朝嘅喪禮，黎嘅野比起尋日仲要少，我地幾個坐係靈堂入面，等待蓋棺嘅一刻，同電視上睇嘅一樣，禮儀司會講一Ｄ生肖出黎，叫人轉身回避，而原來蓋棺嘅一刻，禮儀司會叫所有人都低頭，唔好直視蓋棺。

「因為直廂視係一個不敬嘅行為。」企我身邊嘅小段話。

然後，訓坐蔡老闆嘅棺材推出靈堂，蔡老闆個仔就拎住蔡老闆嘅遺照，落到地下，而每行到一個位，師父都會叫佢講：「爸爸，好好跟住我地，要上路拿。」