我每星期都會去摩星嶺同佢啪啪啪: 三十三

【上文提及】
司機：「細路，你夜晚返屋企小心啲呀！我啲行家話呢頭夜晚好邪㗎！附近仲有個墳場喎⋯⋯」
我冇應佢，只係繼續靜靜咁坐喺架車度。

司機：「到啦，五十二蚊！」
我冇攞個銀包出嚟，只係趁個司機拎轉面嗰陣好快咁用隻左手捂住佢嘅口同鼻，而右手就叉住佢條頸⋯⋯


【我每星期都會去摩星嶺同佢啪啪啪 - 三十三】
文：「小心啲？夜晚好邪？哈！咁多人死梗係邪啦！而且睇黎好快又會死多個⋯⋯」


我隨手拎左張五百蚊出嚟，掟落個司機度。
文：「嗱，呢度五舊，俾你去做忌呀！」

落左車之後，我自己一個行上山，向Dream Zone邁進。一路上，我見到唔小悉心打扮嘅途人，有啲就斷手斷腳，有啲就爆曬頭咁，各種死法都有。不過，佢哋當然唔係我嘅目標，直到我入左Dream Zone，見到前面有個瘦削嘅背影，我就開始出擊。

我慢慢行近啲睇，果然冇估錯，係隻女鬼，而且身材仲好似唔錯。我企喺佢後面，左手撘住佢膊頭，右手就用力一下拍落屁股度。「呀～」佢俾我嚇一嚇驚到叫左出嚟，但係佢嘅叫聲係溫柔嘅，會俾人無盡嘅遐想⋯⋯

我揇住佢，然後慢慢咁貼近佢耳邊同佢講⋯⋯

「小姐⋯⋯」



我雙手貼實佢小腹⋯⋯

「咁夜你自己一個喺呢啲地方⋯⋯」

好慢好慢咁向上掃⋯⋯

「好危險㗎！」

然後揸落佢對波度。



「呀～呼～～」我感受佢嘅呼吸越嚟越急促，心諗：你條姣婆我今晚就要屌到你跪地求饒！

「係咩？會有幾危險呀？」佢用一把好柔弱嘅聲音問我。

「呢度咁黑，除左我地兩個之外附近又鬼影都冇隻，小心俾人食左你呀！」我用一把好挑釁嘅聲音回應。

「下⋯⋯」佢一路講一路慢慢轉身⋯⋯

之後，我望到佢正面。嘩—豬扒嚟嘅？！雖然我都唔係好揀飲擇食，不過要同個黃夏蕙搞嘢，真係屌唔過呀仆街！

我即刻講左句「認錯呀對唔住」就轉身走，無論佢講咩我都繼續扮聽唔到向前衝⋯⋯

唔知跑左幾耐，我終於頂唔順，上氣唔接下氣咁企左喺度休息。我抖左一陣之後四圍望望，發現原來自己就喺廢堡附近。望住眼前嘅廢堡，我個頭痛到想爆炸咁，呢個時候我突然諗起我之前偷聽Alex同Aurona嘅對話—
……….


Aurona：「下？你咁講即係阿文嘅血種喺DNC度？」
Alex：「係！」
Aurona：「咁點解佢之前喺Dream Zone俾鬼攞走血種嘅時候你唔提佢？」
Alex：「提佢？你唔好忘記咁耐以嚟佢做過啲咩！佢而家面對嘅一切都係報應！等左咁耐終於有機會可以親眼睇住佢死，你要我救返佢？冇可能！」
Aurona：「你咁做同阿文有乜分別？我唔可以睇住你變成下一個阿文⋯⋯」
……….
佢地嘅呢番說話令我起左疑心，究竟我係咪應該趁機入廢堡查証下呢？但係入面咁黑，而且上次都係機緣巧合之下先搵到血種，就算我而家即刻入去又係咪可以搵到儲存血種嘅地方呢？咦⋯⋯咪住先！有一個好重要嘅問題⋯⋯我睜大眼四周張望，呢度的而且確係摩星嶺，不過⋯⋯點解我會嚟左呢度嘅？