我每星期都會去摩星嶺同佢啪啪啪: 二十四

【上文提及】
Alex：「如果啱啱喺餐廳度我有出手阻止嘅話可能仲有用，但係咁樣會可能會影響到你入Dream Zone救你啲friend，因為我懷疑DNC正正就係喺背後控制住Dream Zone嘅組織。」
……

【我每星期都會去摩星嶺同佢啪啪啪 - 二十四】
DNC就係控制Dream Zone嘅嗰班死仆街？就係佢班L樣搞到Kenson同傻仔西……仲要連累我害到Aurona而家暈L左……
文：「對唔住……如果……唔係因為我嘅話……Aurona……佢就唔會……」
Alex：「唔關你事……係我叫佢揾你同你解釋下……點知俾DNC嗰邊……」
我望住暈左嘅Aurona，真係好內疚。我問Alex：「咁……仲有冇方法可以令佢醒返？」
Alex：「唔係冇嘅……」


文：「咁就得啦！無論機會幾渺茫，總之有任何方法都要試，唔好就咁放棄呀！」
Alex：「但係……要你先幫到手。」
文：「我？冇問題！話曬成件事我都有責任。」
Alex：「成件事嘅關鍵係血種，所以只要將佢地嘅血種打返入身體入面就可以令Aurona醒返，你兩個friend都唔會再受DNC操控。」
咁樣聽落好簡單姐，呢樣就係所謂「臥底」要做嘅事？
Alex：「我知你應該有嘢想問，不過聽曬我講先啦！臥底嘅任務冇錯就係要攞返正確嘅血種，就咁講好似好易但係其實係一件好危險嘅事--因為啲血種喺曬Dream Zone入面，一唔小心俾DNC發現左可能好麻煩。」
文：「冇問題！咁但係我點入Dream Zone？」
Alex：「你以為自己啲火真係咁勁可以頂得住Dream Zone嘅磁場？其實之前你上摩星嶺山都冇事係因為我暗中出手幫你，但係我嘅能力都有限，所以你一陣入Dream Zone只可以逗留半個鐘……」
文：「咪住……一陣？你意思係我而家就要準備入去？咁快？」
Alex：「冇錯！今次嘅情況同之前唔同，DNC應該發現左我地喺度暗中調查，所以先會想捉走Aurona。」



咁我而家明白Alex點解咁心急要我入Dream Zone啦！俾DNC發現左有「警察」查緊佢地，佢地應該會加強警覺……
Alex：「冇錯就係咁！雖然你冇出聲不過我都知你諗乜㗎！睇你個樣7下7下咁估唔到都幾聰明喎！」
我舉左兩隻中指俾Alex，同佢講：「屌你咩……」
Alex：「唔洗咁客氣喎，反而我建議你一陣小心啲唔好俾鬼屌。記住，我地預知唔到DNC會做啲咩，因為暫時都未清楚DNC搞咁多嘢嘅目的係乜，佢地為左自保甚至可能會令到成個Dream Zone消失，包括入面嘅人，鬼，同埋血種……」
文：「得啦，我明係好危險，但係為左Aurona，Kenson同傻仔西，無論機會係幾渺茫我都會試！」
Alex：「好啦！咁你去啦！記往--半個鐘之後要帶埋佢地三個嘅血種出返嚟！」

同Alex道別之後，佢就留喺的士度陪Aurona，而我就自己一個向住Dream Zone出發……