我每星期都會去摩星嶺同佢啪啪啪: 十七

【上文提及】
喺摩星嶺搞左成朝之後，我落返山同Kenson同傻仔西食飯。喺食開嗰間扒房等緊佢過嚟嘅時候，一個同我差唔多年紀嘅女仔坐左喺我對面，仲同我講佢叫Aurona，係Alex嘅女朋友……

【我每星期都會去摩星嶺同佢啪啪啪 - 十七】
Aurona：「其實……我係Alex嘅女朋友。」
呢個時候Kenson同傻仔西啱啱行到隔離。
傻仔西：「嘩，呀文乜你咁L仆街㗎！人地有仔你仲搞人地」
Aurona：「你地唔好誤會啊！其實係我有啲事要揾啊文……唔關佢事㗎……」
文：「聽唔聽到呀？你地兩個行開啦！唔好阻住曬！」
Aurona望一望Kenson同傻仔西，個樣有啲尷尬。


Aurona：「唔好意思呀！其實我就真係有啲嘢要同啊文講，而且比較緊急……你地……介唔介意……」
見到咁嘅場面，Kenson終於忍唔住要出聲。
Ken：「死啦！原來我漏左啲嘢喺學校，我同傻仔西返去攞返先，啊文你地慢慢食啦！」
呢個時候，傻仔西就呆下呆下咁俾Kenson拉走左，之後嘅氣氛就突然間變得好沉重。
Aurona：「Alex佢……佢都離開左幾年啦……」
一講起Alex呢個人，Aurona就眼泛淚光。
Aurona：「我仲好記得……佢嗰晚同我講緊電話，之後……突然間……「呯」一聲……」
文：「你意思係......Alex已經死左？咁我喺摩星嶺見到嗰個......」
Aurona：「 因為佢死左之後，我地兩個都好唔捨得對方，於是佢就以靈界警察嘅世份明正言順咁留喺人間。」
文：「所以你係想同我講......我喺摩星嶺遇到見到嘅一切都係真實嘅？」


Aurona：「係！你唔覺得你嗰兩個朋友自從上左摩星嶺之後就一直有啲奇怪咩？其實佢地已經中左伏。」
文：「中左伏？咁即係點？佢地俾鬼上身？」
Aurona：「唔係咁簡單，我將成件事解釋一次俾你聽你就會明㗎啦！」
我望住Aurona點一點頭，然後繼續好專心咁聽落去。
Aurona：「如果你有睇新聞嘅話，應該都知近排間唔中就有學生自殺。原本呢啲自殺case都唔關靈界警方事，不過大概一兩年前，即係學生自殺潮啱啱開始嗰陣，Alex就收到總部嘅通知--佢地發現基本上所有自殺嘅學生都有個唔尋常嘅共通點，如果用我地人類嘅講法就係……個「靈魂」唔見左。」
下……你噏乜9呀？個「靈魂」唔見左？！咁關我咩事……
Aurona：「根據Alex嘅講法，一般嚟講，當人死左之後，佢地（嘅靈魂）都要先向靈界警方報到，但係嗰啲自殺嘅學生就一直都冇咁做。靈界警方於是開始查呢單嘢，發現呢啲靈魂都聚集曬喺摩星嶺度，所以就叫Alex留意下。」
文：「ok……咁樣……關我同我啲friend咩事？」
Aurona：「你聽埋落去就會明㗎啦！Alex查左一輪之後發現應該有係有個組織喺背後控制住呢啲靈魂。呢個組織喺摩星嶺山頭整左個叫Dream Zone嘅虛擬空間，入面同真實嘅摩星嶺山基本上喺一模一樣。佢地一方面用Dream Zone嚟困住啲靈魂，另一方面透過Dream Zone擴闊自己嘅勢力範圍。」
文：「擴闊勢力範圍？即係點？」


……