我每星期都會去摩星嶺同佢啪啪啪: 十六

【上文提及】
我完全唔知喺我身後嗰個就係Alex，諗住攻擊佢，正因為咁令到Alex誤會。佢攞住我唔小心跌左落地下嗰把cutter，對住自己心臟嘅位置插入去……

【我每星期都會去摩星嶺同佢啪啪啪 - 十六】
文：「嘩妖！你做乜L野呀？你痴線㗎？」
Alex插左把cutter入心臟嘅位置。
文：「好啦好啦！我信你啦ok？你唔好再亂咁郁啦！我而家就打九九九。」
我慢慢行埋去Alex度，同時拎部電話出嚟。
Alex：「唔駛啦！」
佢講完之後自己掹返把cutter出嚟。


文：「What the fuck?!你做乜L嘢呀？你會死㗎！」
Alex:「我而應該冇時間再同你解釋，不過我會諗辦法話俾你知係咩事。你走啦！」
佢一路講，一路慢慢消失。
文：「喂！你咪走住呀！咁算係點啊？」

出面慢慢開始光返，同時有太陽光照入嚟廢堡度。呢間房好平靜，冇血，亦冇爭執過嘅痕跡，就好似啱啱乜事都冇發生過咁。呢個時候我feel到褲袋入面部電話陣左一陣，原來係Kenson what$app我。
Ken：「pk仔返嚟lunch?」
唔經唔覺原來已經10點幾，我約左佢兩個喺食開嗰間扒房等之後就開始落山。諗返轉頭今朝真係好on9，本來係想搞清楚究竟發生緊咩事，點知反而越黎越亂，唔單止有條傻仔用cutter插自己，仲有一堆學生自殺嘅新聞。我挑，關我L事咩！

行返落山再撘的士落到灣仔已經差唔多12點，我就直接過扒房揀左個四人卡位坐低等Kenson同傻仔西。就喺我好專心咁睇緊ig嘅時候，有個人坐左喺對面。正當我準備同佢講有人嚟緊嘅時候，我抬頭一望……


文：「嘩！好L正呀！」
對面坐左個女神級嘅靚女。
「Hi，我叫Aurona呀！你應該就係啊文？」
文：「……係……係呀！你……隨便坐。」
都on9嘅，隨乜鬼便坐呀，呢度又唔係我屋企--雖然我個心係咁諗，但係對住眼前嘅女神，我已經開始語無倫次。
Aurona：「唔好意思呀，你……約左人食飯？我會唔會阻住你？」
文：「冇呀！我自己一個咋，如果你唔介意不如一齊食？」
我心諗：係就係約左人嘅，不過為左你，放佢地飛機又如何？嗰兩條契弟如果阻住我溝女我即刻同佢地絕交都得啊！
Aurona：「唔洗啦！其實我係有小小野想同你講嘅……」
呢個時候，見到傻仔西同Kenson行緊過嚟我有小小分左心。我即刻喺做曬手勢咁叫佢地走，不過佢地似乎唔係好get到，仲行緊過嚟。


文：「你話……有嘢同我講？但係……我地好似唔識㗎喎……」
其實我都有嘢想同你講呀--Hi be friend ok?
Aurona：「其實……我係Alex嘅女朋友。」
呢個時候Kenson同傻仔西啱啱行到隔離。
傻仔西：「嘩，呀文乜你咁L仆街㗎！人地有仔你仲搞人地」……