我每星期都會去摩星嶺同佢啪啪啪: 十（修飾刪減版）

註：本文為修飾刪減版，刪除原文中部分成人情節。

【上文提及】
當我諗住快啲離開呢度落返山嘅時候，竟然俾我見到嗰個假嘅我。佢喺我面前表演左一次極速嘅易容，突然間變左個超大隻嘅靚仔，仲話自己叫Alex，係摩星嶺嘅靈界巡警。喺同佢嘅對話入面，我仲聽到佢話搞掂我啲frd同女鬼之類嘅嘢。當我再追問嘅時候，佢就邀請我跟佢返「總部」，再同我慢慢解釋。

【我每星期都會去摩星嶺同佢啪啪啪 - 十（修飾刪減版）】
文：「先生，你未食藥呀？定係睇得CCTVB多連個腦都膠埋？嗰啲咩衝鋒飛虎重案掃黃我都聽過，就係未聽過警隊有啲咩靈界巡警。」
Alex：「哈哈，你又誤會左啦！我唔係隸屬香港警隊㗎！」
文：「唔係警隊？咁即係公安啦！你想點呀？幫我用自己嘅方法返大陸？喂！我又冇喺香港賣禁書，你捉我返去做乜9呀！」
Alex：「唉！我真係俾你吹L漲。我唔係香港警察亦都唔係大陸公安。你地人類有警隊、公安執法，而我地靈界亦都有啲經過挑選同訓練嘅巡警去維持靈體同人類之間嘅平衡。簡單啲嚟講，就係避免人類同靈體有任何接觸。」



聽完佢咁講，我心入面第一個諗法就係--妖！真係黑仔！喺摩星嶺都撞到個痴線佬。條友都有L病嘅，話自己係咩靈界嘅警察，都on9嘅。
文：「你咁講即係……你係鬼？」
Alex：「都可以咁講。」
哈！佢咁答就正中下懷。
文：「咁你同我講嘢算唔算係「人類同靈體嘅接觸」？」
Alex：「或者你可以由另一個角度去諗：你地嘅警察都有啲唔係隸屬警隊而且有背景嘅線人，咁如果一個警察同佢條針攞料係咪代表個警察已經變左黑警？」
聽完佢咁講，我真係呆左，因為自我出世以嚟我都未遇過咁嘅情況：佢講嘅每一隻中文字我都識，但係當佢用呢啲文字組成一句句嘅句子，我就完全唔明佢up乜9。
文：「你唔好諗住喺我面前挽下啲變面魔術再講埋啲我聽唔明嘅野就可以fake到我跟你走，你講嘅嘢根本就係自相矛盾。」
Alex：「好……既然你咁講嘅話我俾啲嘢你睇。」


突然間，周圍嘅野全部消失曬，空白一片，得返企喺我前面嘅Alex。之後嘅情況就好似砌lego咁，一舊舊黑色嘅磚好快咁喺四周砌成一幅幅黑色嘅牆。
Alex：「你而家見到嘅只係立體投映，一陣你就可以睇返啱啱發生嘅事。」
眼前嘅情景真係好熟口面……我認得呢度--係廢堡嘅二樓。

Alex：「我知你諗乜，但係啱啱喺二樓嘅情況並唔係你想像中咁樣。」
而家，我同Alex就企左喺三間房其中一間嘅門口，望住入面發生咩事。
我見到傻仔西同Natalie兩個喺房入面，傻仔西向前彎腰，Natalie就用雙手撐開傻仔西個屁股，直到傻仔西流曬血，Natalie先停手。
我睇到呢度，已經o曬咀，忍唔住講左句：「嘩！咁搞法咪仲傷過啪啪啪！？」
Alex：「你睇埋落去先。」
之後見到嘅事，我簡直唔敢相信。


Natalie喺褲袋度拎左條比正常size大成倍嘅假J出嚟，插左入傻仔西後面，再將一支類似針筒（但係冇左頂端支針）嘅物體連落條假J度，開始注射。

喺我睇到唔識俾反應嘅期間，廢堡嘅映像已經消失左，眼前又出現返本來嘅摩星嶺山。
Alex：「睇到呢度都差唔多，另外兩間房嘅情況大概都係咁，我諗你都唔想再睇啲咁血腥嘅場面㗎……」
文：「冇可能……成件事太唔make sense啦！你啱啱俾我睇嘅野……根本就將成個做愛嘅概念顛倒曬！頭先睇到嘅一定係你預先整定嘅片，再用projector播返出嚟。」
Alex：「阿文，呢度係荒山野嶺嚟㗎，附近連電䌫都冇，就算我有projector都用唔到啦！仲有，如果真係好似你咁講所有嘢都係我預先策劃嘅話，我點解要咁做？對我嚟講根本一啲好處都冇。」
我好攰好亂，完全唔知應唔應該相信呢隻Alex講嘅嘢，我真係好想乜都唔諗，而家就返屋企瞓。
Alex：「你想走呀？」
我睜大雙眼望住Alex，都唔知應該點答佢。
Alex：「放心喎！我唔會強迫人嘅，如果唔係嘅話以我嘅能力早就掟左你返總部。不過臨走前可唔可以俾我講多句？」
我心諗：乜我有得揀咩……
Alex：「本來我係應該將成件事嘅來龍去脈解釋一次俾你聽先嘅，但係我地之間連最基本嘅信任都冇，所以我都無謂浪費時間同你講咁多。總之，你返去消化下今晚嘅事先，遲啲想揾我幫手嘅就返嚟啦……」

聽到呢度，我開始覺得個頭好暈好痛，之後就冇左知覺。