我每星期都會去摩星嶺同佢啪啪啪: 九

【上文提及】
我企喺樓梯度一路望住二樓嘅情況，見到佢地兩個兩個咁入左去二樓啲房入面。開頭我都係諗住Kenson同傻仔西都只係趁機溝下女抄下牌就算，點知佢地挽挽下竟然搞到喺房度啪啪啪咁樣。考慮到有個假嘅「我」都喺二樓搞緊嘢，我決定要阻止佢地。白痴嘅我誤以為會有消防員拉喉上山救火，竟然on9到跑落山追佢地。跑左一陣，我終於發現自己又7左，唯有行返轉頭。點知就發現山路，甚至喺廢堡前嘅草地，喺消防員曬水救完火之後竟然冇濕到。更恐怖嘅係，座廢堡竟然成幢消失左，得返笪爛地喺度。

【我每星期都會去摩星嶺同佢啪啪啪 - 九】
「仆街啦！今次真係中伏啦！」
明明半個鐘之前座廢堡仲成座幢喺度，估唔到只係過左一陣就成幢唔見左。咁即係搞完一大輪之後，結果我都係得返自己一個喺摩星嶺山度。算啦，我都係落返山先。呢幾個鐘入面我實在經歷左太多嘢，而且冇一樣係控制範圍之內嘅，呢度實在係太奇怪太危險。

就喺我轉身諗住走嘅時候，我見到前面有個黑影向住我呢個方向嚟緊。我嘗試用支電筒照下睇下見唔見到佢個樣，但係我地嘅距離實在太遠，我淨係見到身高、身型都同我差唔多嘅男仔。唔通係Kenson或者傻仔西？兩個都唔係！當佢越行越近，我終於睇清楚佢個樣--佢就係嗰個假嘅「我」。

我即刻退後左幾步。


文：「你唔好再行過嚟啦！你究竟係邊個？點解要扮我？」
出奇地，佢又真係企左喺原位冇再行過嚟，同我保持大概十米嘅距離。
假文：「你冷靜啲先，我冇惡意嘅。」
文：「冷靜？你試下夜晚一個人喺荒山野嶺突然間見到一個同自己一樣樣嘅，唔知係人定係鬼嘅物體，你冷唔冷靜到呀？你試下睇住一個假嘅自己喺座廢堡入面用碌棍插入條女度，仲要唔知有冇用domdom喎！咁你又冷唔冷靜到呀？」
假文：「真係唔好意思，啱啱搞掂班女鬼同你兩個frd之後就趕住嚟揾你，唔記得轉返自己原本個樣。」
講完之後，佢就好似嗰啲俾細路睇嘅卡通橋段咁嚟個「變身」，不過就冇左嗰啲無謂嘅BGM同對白。望住佢唔只個樣靚仔左十倍（雖然我嘅顏值都唔差），連身型都正左好多（唔好話女人，就算係我見到佢啲正到爆嘅肌肉都差啲流口水），我真係嚇到腳軟成個人坐左喺度。

假文：「sor係咪嚇親你？其實我真係冇惡意架。由你踏入嚟摩星嶺山路開始我都係想幫你……」
文：「咪住先咪住先，我而家真係越黎越亂。首先唔該你解釋下咩係搞掂我班frd，你究竟對Kenson佢地做左啲乜？女鬼又係咩料？」
假文：「我明白你而家應該有好多問題，但係我好難用三言兩語就解釋到俾你聽。不如我同你返總部再慢慢由頭講件事俾你聽。」


文：「你都幾好笑喎！同你三唔識七你唔係諗住我會俾你fake到跟你走呀？你都話你搞掂左我兩個兄弟，點知你係咪想「搞掂」埋我。」
假文：「係喎！你都仲未知我嘅身份，唔怪得會誤會啦！我係Alex，摩星嶺山區嘅靈界巡警。」