【英雄系列6】孤獨兄弟: 11

11.

駛左幾分鐘後，後面已經冇迪拉斯既人馬

「睇黎已經甩開左迪拉斯佢地啦..」叢雲望住倒後鏡道:「彌生，今次真係多謝哂你...幫我救阿白」

「一世人兩兄弟..點都幫你救返阿嫂既！」彌生笑道:「阿嫂，之前幾年要你照顧我阿哥，辛苦你啦！」


「點會呢...」阿白笑道:「叢雲佢都對我好好呀...」





「...阿白，對唔住..我之前一直都唔明白你既心意」

「叢雲...」阿白跟叢雲相擁住:「你依家明白..就夠啦」




「嘩..閃死人咩..」彌生掩住雙眼:「小優bb豬，我地都黎丫！快d攬我丫！」





小優鼓起嘴:「攬你個頭呀！係喎...咁我地依家..去邊呀？」



「去大阪先啦」

「大阪？點解要去果度呀？」叢雲問

「你唔記得咩，老豆響大阪果邊有間屋架嘛」





彌生點起煙:「果邊比較少迪拉斯既耳目，我地去到果邊再搭飛機返香港啦！」



滿是彈孔既七人車繼續西下，前往大阪




東京千代田，迪拉斯保安公司總部


「咩話？！比佢地走甩？！正一飯桶！」渡邊雄介嬲得一手將手機掉走

「渡邊先生，唔該你...一定要救返我個女呀，佢只係一時..」阿白既爸爸著急道






「救？依家你個女唔單止投靠我地迪拉斯既敵人，仲當眾落我同直樹面，我唔殺佢我仲係人黎既！？」

阿白既爸爸跪響地下:「渡邊先生我求下你丫..你唔好殺我個女丫！！！」


渡邊雄介伸腳踢開佢:「唔係你同我地有生意上既合作，我依家已經殺左你啦！」

「唔好再比我見到你！！！」


阿白既爸爸見求情不成，只好狼狽離開渡邊雄介既房間







渡邊雄介點起雪茄，問身邊既隨從

「直樹呢？頭先落左機就唔見左佢既？！」

「佢...佢..」


「砰！！！」

渡邊雄介用力拍枱:「佢點呀！！！？」

「佢..佢好似去左地底既研究所」







迪拉斯保安公司總部，地庫5樓，生物研究所

「直樹！！直樹！！」渡邊雄介匆匆落到黎



「呀！！！！！！！！」一把痛苦既叫聲響研究室內迴響


「係直樹...直樹！！！」愛子心切既渡邊雄介衝入最後既房間



響佢眼前既直樹





全身青筋暴現，雙眼充滿邪氣

跟之前既陽光氣息有天淵之別


究竟...響直樹身上，發生咩事呢？



「爸爸....」

「直樹！你做咩黎呀！」


渡邊雄介望到地上既三支針筒，唔敢相信呢個事實


「你...你打左三支戰鬥用納米機械？！！」






「果個女人...佢寧願死，都唔肯嫁比我...」直樹自言自語:「望月叢雲佢搶走我既女人，我一定要將佢碎屍萬斷！！！」



「但係...一次過打三支戰鬥用納米機械會..」


「爸爸放心，我無事..」直樹一步一步企起身:「依家既我.眼中只有復仇...只有殺死望月叢雲呢個目標！！」

渡邊直樹受到阿白既打擊，如今已經是他媽的黑化了！



「渡邊先生...仲有...」身邊既隨從開口道

「仲有咩呀？」渡邊雄介問

「阿勇佢...」隨從指住對面既研究室



「醫生...阿勇佢既情況點呀？」

醫生搖搖頭:「我地發現佢既時候已經身中多槍，岩岩做完手術，雖然保得住條命，但係...」


「子彈射穿佢既脊椎神經，恐怕一生都要...」



「阿勇佢忠心耿耿跟左我咁多年，竟然落得咁既下場...」渡邊雄介氣憤問:「係邊個搞成佢咁架？」

隨從道:「係..係望月叢雲既細佬，望月彌生搞成咁架」


「又係佢地兩兄弟！！」

「阿勇佢前幾日知道自己阿哥比望月彌生殺左，先話要復仇..點知」隨從開口道



「阿勇係個戰士，我唔可以比佢一世都咁..」

渡邊雄介對身後既研究人員道:「『果樣野』...研發好未？」


研究人員睇住自己既平板電腦:「呃...依家已經去到90%啦，不過...仲差一個生物CPU」

「生物CPU...」


「渡邊先生，你唔係想用南條勇佢...」




花費五個小時

叢雲一行人揸車駛到名神高速道路，準備踏入大阪府


「喂，叢雲，我地到..」

彌生轉頭一望，只見叢雲同阿白均依偎熟睡


「駛唔駛咁好訓呀」彌生扁住嘴:「不過算啦...見你又跳樓又剩咁，比你偷下懶啦」


「嗯.....」身旁既小優亦訓醒:「彌生...到左大阪未呀？」

「訓醒啦小優bb豬？應該仲有半個鐘就到架啦..」彌生吃住香煙


「彌生...」小優低住頭:「以後既生活...會唔會都係咁危險架？」

「你頭先上車頂果下我好驚...你會...」


「放心啦小優bb豬，我邊會咁易死呀」彌生望住小優:「你咁可愛，我死左咪見唔到你囉」

「....其實我又唔係特別靚女，點解彌生你咁鐘意我，對我咁好喎..」臉紅紅既小優問

「唔知呢..大概係命運掛」


「可能..係你大波掛！哈哈」彌生摸住小優既胸部

「喂呀彌生！唔好咁咸濕啦！成日淨係識睇我對胸！」

「咩喎....咁男女朋友係咁架啦！」