你愛我還是他: 第七十三章

在接受了現實後，我都把我的休養生息大計，改為工作模式，上班賺錢消磨時間。不過我就是逢一至六，下午一至九到朋友的樓上鋪幫忙。這也總好過每天留在家中，等芷怡覆我的訊息，然後呆呆的等待星期六的到來。
.
「呀駿，你真係唔嬲我？」
「有咩好嬲呀…咁你又唔係去玩，況且你都唔想既」
「點解你會咁好架？」
「係呀，所以記得捉實我，唔係我被人搶走你就慘」
「等我箍實你先！」
.
在暑假開始後，也是我們開始工作的時候。我的工作還算輕鬆，在沒有工作的時候就是自己的私人時間。可是，芷怡的工作卻頗忙，加上她天性一心只能一用，所以在工作的時間，我很少機會可以找到她。
.




很多的時候，我們都是晚上的時候才可以傾一陣電話。然後，就真的要等待星期六的來臨，我才有機會見到她一面。
.
當然，芷怡應該也知道我的不滿和失望。雖然我一直沒有說出口，但當一對剛戀愛的情侶一星期只能見一次，她自然會感受到。因此，有時候她也會突擊探該。無論是短暫停留還是接我放工，每一次她的到來都會令我馬上笑逐顏開。
.
這樣的日子一直維持至暑假完結前一個星期，我倆都放下工作，稍為休息一下以迎接新一年新學期。最重要的是，好好陪伴下大家。差不多兩個多月的時間，我們都是維持聚少離多，依靠手提電話去維繫這段關係。
.
我雖有怨言但我不說，因為我知道她也是沒有選擇權的。更何況，我說出來後又不會有更多的相處時間。反而，很大可能會因此而大吵一場，影響了我們的感情。所以，我還是一個人去承受這種相思之苦。
.
終於，我們可以抽一日出來，好好拍拖。
「對唔住呀傻鴨」她突然對我道歉




「做咩無端端同我講對唔住？哦！！！你做左啲對唔住我的事！！」我笑說
「癡線！我點會！只係我知道呢個暑假辛苦你喇…」
「算喇，你都唔想既，都過左去喇」
「點解你可以唔發我脾氣，唔話我架…」
「咁發你脾氣，話你幾句可以解決到問題咩？唔會囉，只會產生更多的問題最後咪又係要我去解決番」
「點解你可以變得咁好…」
「咁即係我以前唔好呀？」
「唔係，只係宜家的你，比以前更好，我幾乎係你身上搵唔到缺點」
「咁就證明你眼光好囉，揀個咁好的男朋友」
「其實點解你要搵番我？」




「因為我愛你」
「但係仲有好多比我好的女仔」
「因為我淨係愛你一個，我宜家的標準就係你，無人會比你更好」
她聽到後，只是傻傻地在甜笑。
「走喇傻瓜，今日出黎唔係俾你發呆架，去食野喇」
.
Facebook：微言
Instagram：smallpotatosay