你愛我還是他: 第五十章

翌天，我一回校就去找朱老師。他好像一早已知道我會去找他般，直接帶我去校務處找校長。
.
「早晨校長」我戰戰兢兢地進入校長室
「早晨呀駿，坐低呀，唔使咁緊張」
「校長，我…」
「你想休學係咪？朱sir琴日同左我講，我地都傾左好耐，不過校長都好想問你，你覺得休學可以點樣幫到你？」
「Err…可以令我唔使面對痛苦的記憶先」
「咁你有無唸過點去用休學的時間？」
「Err…溫下書，休息下」
「其實呢，你有家長信同精神科醫生的證明信，校長係無得唔放你，只不過校長想你唸清楚，點去用呢段時間，唔好嘥左佢」




「我知架喇校長」
「校長都算睇住你呢三年的成長，我都唔想睇到你咁辛苦，我都好想睇到你好番，加油！至於其他安排，就交番俾朱sir處理喇」
.
離開校長室後，我仿彿如釋重負。
「呀駿，咁你會休學到幾時？」
「暫定到聖誕假前，放假前應該會番黎清櫃桶」
「嗯，咁你一切小心，係屋企都唔好偷懶」
.
中午的時候，我找了杜杜和Kathy一起出外食飯，順便把休學的消息跟他們說。
「下，休學？！！不過都好既，你可以專心休息」




「放心喎，我無咁易死既！」
「司徒駿！可唔可以唔好亂講野？！！不過你識講笑都好既，之前真係嚇死我地！」
「知你地關心我架喇，總之我會努力，希望下次你地見到的司徒駿係健康開心的！」
「知就好喇，你宜家一個人走左去，剩低我一個，你無良心呀！」杜杜又回復他那不認真的本性
「唉，我呢個電燈膽都係走先喇」Kathy也一起開玩笑
「咁又唔得喎，我要享齊人之福架麻」
「齊你個頭！！不過真係好多謝你地！！唔係你地，我係學校都唔知點捱」
「你唔嬲我喇？」杜杜瞬間變得認真起來
「嬲咩呀，從來無嬲過，你地都係為我啫」
「兄弟…」




「得！知你好愛我！」
.
完了午飯後，我也正式收拾東西，開始我的休學時間。
現時十一月初，大概一個多月的休息，之後再有兩星期的聖誕假，然後就是最後的模擬試。考完模擬試對完卷後，就正式進入自修期，進入最後直路。
.
所以總括來說，今次的休學令我只需要回校考模擬試，完全可以避免其他上課的時間，亦令到觸到傷心處的機會大減。
.
另一方面，留在家休息和溫習對我準備公開試有正面的幫助。除了會令自己有穩定的情緒，在溫習的安排上亦可以更彈性。
.
現在回想，若不是這段休學時間，也未必能捱到現在。
.
Facebook：微言
Instagram：smallpotatosay