你愛我還是他: 第三十八章

「我好掛住你，我有好多野想同你講」
「我地仲有咩好講？」
「俾我同你講多一次電話就夠」
.
過了不久，電話就響起，我馬上接聽。
「仲有咩想同我講？」她的真人和訊息一樣冷漠如冰
「點解…點解你會變成咁…明明你本來就唔係啲」
「人會變」
「咁你仲有無少少鐘意我？」
「我唔知」




「你真係要咁絕情？」
「我地分手喇，再拖落去都無意義」
「點解呀…」我開始淚崩，連拿電話的力氣也沒有
.
我愈哭愈大聲，大聲到連在廳的媽媽都聽到馬上衝進來。
「呀仔，你做咩呀？」
「媽咪，我好辛苦呀…」我伏在媽媽的懷裏
「司徒太，咁我都係走先」朱老師說
「好，麻煩哂你喇朱sir」
「係呀，呀駿你呢幾日休息下先喇，下星期一先番學，我會同校長講，你放心抖下」




.
就這樣，中五的最後一個考試的最後一科就在淚水中完結。
而同時，我和方芷怡，也到此為止…
.
突然間，我的世界好像失去所有色彩，只剩下黑白灰三種色。
.
在剩下的這個星期，我每天都是躲在房裏，一個人呆坐在床上。我不想離開房間因為我很怕看到媽媽憂心的樣子，我不想再令她擔心失望，但偏偏我正在做這件事…
.
我痛恨自己，恨自己的軟弱，恨自己的無能為力。
要令到身邊的人不再擔心，我只好戴上面具，把真實的情感收起，留待一個人時才流露。




這樣雖然辛苦，但至少辛苦的人只有我一個。
.
這幾天我一直沒有開手提電話，把自己完全關在自己的世界。除了媽媽，我甚麼人都不見。
.
直至星期五晚爸爸從內地回來，我才見了第二個人。媽媽急不及待把一切全告訴了爸爸，而爸爸則一直安靜地聆聽。
.
而當媽媽說完後，爸爸也只有回應一句。
「唔好排期喇，直接睇私家精神科，屋企有錢」
.
其實，我們家還只是個中產家庭，雖不說生活貧困，但每個月要至少拿過千來給我看醫生，我怎樣也覺得不安心。
.
晚上的時候，爸爸也走進我的房間關心下我。
「係咪好辛苦呀？」
「唔係呀，我無事」我強裝
「總之你有咩就要同我地講，唔好唸錢方面，我會處理，你最重要處理好自己」




「嗯，我會無事既…」我愈說聲線就愈低沉
「唔好唸咁多喇」
「對唔住呀…」
.
我還是忍不住，在家人面前真的很難再強裝下去…我知道，我真的很無用…
.
Facebook：微言
Instagram：smallpotatosay