＜＜紋身師──逃離沉寂冷靜的狂熱＞＞: 第十一章：其言也善

　　晨早的日出從貨櫃車的擋風玻璃灑進車內。

　　「殺人放火金腰帶唔係真架咩？」凌寧拿著第三瓶酒樽問。

　　「噓，買丸仔，白凰丸，丸仔都都發左。」

　　「嗝！」一口重酒氣從老人口內吐出。

　　「傾計......開車！」老人夾雜著碎碎念把車匙插進匙孔。





　　「以前，興倒車，我地今日，直撞。」豎起帶著金指環的食指向前一指。

　　一踩起油門，老人雙眼瞪到極大，猶如要將車頭的所有境況收進眼底。

　　儘管山路彎急，車速卻仍保持時速六十公里入彎。遇到凹凸不平的補路，車內卻沒有多餘的起伏，連左右搖擺都沒有。
　　
　　「打開櫃桶，第一個信封，睇下去邊。」

　　「大埔道三十二號，閘門毀壞。」





　　「今日？」

　　「今日。」

　　「哎唉，果邊有個油站，你一陣落車打爛啲CCTV，我留係車等你。」

　　「你揸左好耐車架喇？」凌寧仿佛看見另一個人似的問。

　　「噓，你唔係想殺人咩？想跟我學車呀？哈哈哈。」老人開懷的笑著，沒帶半點應有的酒意。





　　「哩度落。」車停，門開。

　　可是，明明這邊離油站還有一大段距離。

　　凌寧拿起老人未喝完的那口酒：「如果我做唔成殺手，跟你學車。」

　　「哈哈哈！好！」

　　凌寧下車後，沒有向油站走去，反而往山頂上跑，一直跑，一直跑，一直跑。

　　沒理會小腿似火燒的痛楚，沒理會乾涸的喉嚨，沒理會背後油站的爆炸。

待續......