我明明係殺手，搞乜鬼掉返轉保護個目標？: 2
夜闌人靜。
寒風吹拂著行人專用區上走著嘅我，令到我不禁慨嘆一句：「我屌你呀M。」
偶爾街道旁有一兩個潦倒嘅流浪漢，佢哋都用奇怪嘅目光盯著我呢個不速之客。
無計啦，我又型又靚仔，佢哋實以為我係明星啦。
好唔容易終於係一條後巷入面搵到個唐樓嘅入口，望住部唉瘋訊息寫住二樓A室，再望一望周圍有冇人，確定無人之後我就拎出咗萬能解鎖器解開咗唐樓大閘個鎖。
夜晚晚要我行呢啲唐樓，你都咪話唔驚。
樓梯上嘅光管一閃一閃，時而明又時而暗，燈光消失個秒，眼前一片黑暗，下一秒又突然光返，如果眼前突然出現啲嘢，真係隨時嚇死我。
不過好彩，一路無驚無險去到二樓，A室係走廊嘅盡頭。
只見大門底下嘅罅隙透出微弱嘅白光，裡面嘅人應該仲未瞓著。
作為一個專業嘅殺手，無時無刻都要全神戒備，唔容許有任何嘅差錯。我握著門柄，心入面都有啲緊張起嚟。
我從大褸內層袖口抽出裝上咗滅聲器嘅手槍，提槍手瞄準著門罅，另一隻手熟練咁用萬能解鎖器解門鎖。
「咔嚓」一聲，代表門鎖已開。
我輕輕力推開大門，內裡嘅情況竟嚇我一跳。
只見一個身形瘦削嘅少年背對著我，右手熟練咁操作著滑鼠，左手係鍵盤上面飛快咁舞動，最令我吃驚嘅係個畫面竟然係播放著半個小時之前我仲玩緊嘅BF4！
「停手。」我用槍口抵著少年嘅後腦，用我認為最cool嘅口吻同個少年講。
帶著耳筒嘅少年感覺到後腦俾冰冷冷嘅物件頂住，一手除咗耳筒就擰轉面。
「我係你就唔會嗌啦。」望住條友個口擘大到實得落支滅聲器，等陣佢大叫驚醒隔離啲住客就麻煩。
「唔…唔好殺我呀…」佢把聲震晒，咁又難怪嘅，啱啱仲拎住把機槍周圍射人屎忽嘅佢，而家俾人拎返住把槍指住個頭，講到嘢算叻仔架啦。
「我都唔想架，上頭落order，我奉命行事架咋。最多我得閒燒多啲新game俾你啦。快手搞掂哂我仲要返屋企打BF4架。」
我講完呢句話嘅時候，佢突然眼前一亮。
「你玩正版定翻版呀？」
「當然老翻啦。我哋香港有偉大嘅qq689破解之神，每次有新game都唔使兩日就出破解版比我哋，仲要唔限速download，邊洗晒錢買正版。」
只見條友奸奸嘴笑，擰返轉頭熄咗個BF4之後開咗個網站。
「qq689，就係我。」佢指住個mon，好仆街咁笑。
呢刻可謂晴天霹靂，qq689簡直就係廣大網民嘅再世父母，佢一直提供衣食俾我哋呢班孤兒，萬料不到我嘅目標竟然係佢。
我嘅內心呢刻非常掙扎，天使一直係我耳邊吹氣，叫我放過我嘅恩人，唔係以後就要down大陸嗰啲每秒限速20kb嘅game，但魔鬼又係咁向我隻手指施壓，要我扣板機交差。
係我陷入極度矛盾嘅時候，689佢開咗另一個file。
「GTA V PC破解版。將PS版移植落PC，等你哋唔使等到佛誕！」佢雙手大字形咁伸開，身後彷彿有光芒照耀住佢，估唔到係我眼前嘅，竟然係耶穌基督再世。
我右手一軟，手槍跌咗落地，我輸咗啦！
「我等陣拎隻harddisk過嚟，你轉俾我ok？」我毫無尊嚴咁哀求著眼前嘅689。
「當然冇問題，我從來唔會呃人，你就返屋企拎harddisk啦。」佢右手揮一揮，示意我可以退下。
正當我諗住狗衝返屋企嘅時候。
「蕉」，身旁嘅玻璃穿咗個窿。
「喂你小心走火呀！」689好大動作咁遮住自己個頭。
我望住跌咗落地下嘅手槍。
「伏低呀！」
我衝上前將689拉左落枱底。
「蕉」「蕉」「蕉」「蕉」「蕉」
「蕉」「蕉」「蕉」「蕉」「蕉」
「你玩正版定翻版呀？」
「當然老翻啦。我哋香港有偉大嘅qq689破解之神，每次有新game都唔使兩日就出破解版比我哋，仲要唔限速download，邊洗晒錢買正版。」
只見條友奸奸嘴笑，擰返轉頭熄咗個BF4之後開咗個網站。
「qq689，就係我。」佢指住個mon，好仆街咁笑。
呢刻可謂晴天霹靂，qq689簡直就係廣大網民嘅再世父母，佢一直提供衣食俾我哋呢班孤兒，萬料不到我嘅目標竟然係佢。
我嘅內心呢刻非常掙扎，天使一直係我耳邊吹氣，叫我放過我嘅恩人，唔係以後就要down大陸嗰啲每秒限速20kb嘅game，但魔鬼又係咁向我隻手指施壓，要我扣板機交差。
係我陷入極度矛盾嘅時候，689佢開咗另一個file。
「GTA V PC破解版。將PS版移植落PC，等你哋唔使等到佛誕！」佢雙手大字形咁伸開，身後彷彿有光芒照耀住佢，估唔到係我眼前嘅，竟然係耶穌基督再世。
我右手一軟，手槍跌咗落地，我輸咗啦！
「我等陣拎隻harddisk過嚟，你轉俾我ok？」我毫無尊嚴咁哀求著眼前嘅689。
「當然冇問題，我從來唔會呃人，你就返屋企拎harddisk啦。」佢右手揮一揮，示意我可以退下。
正當我諗住狗衝返屋企嘅時候。
「蕉」，身旁嘅玻璃穿咗個窿。
「喂你小心走火呀！」689好大動作咁遮住自己個頭。
我望住跌咗落地下嘅手槍。
「伏低呀！」
我衝上前將689拉左落枱底。
「蕉」「蕉」「蕉」「蕉」「蕉」
「蕉」「蕉」「蕉」「蕉」「蕉」