總在寂夜裡想起妳: 7

嗰晚成個人極其失落，腦入面不斷回憶起露天茶座嘅事。妳舉手抬足之間散發出溫文優雅嘅氣息，完完全全吸引咗我每一個腦神經細胞。我個心亦隨著你每一次呼吸而悸動。 

唔得啦，明天個party一定要進取啲！唔係實後悔！ 

臨瞓之前check一check個校聯網，見到封英文ah sir寄嚟嘅信，打開一睇， 

WHAT THE FUCK？ 

明天party取消？想我哋多一日休息所以party取消？ 





仆你個街？ 

嗰刻好徬徨，一切嘅計劃同FF都比個ah sir打亂晒，明明只差呢一小步。 

成個人即刻冇晒活力，死死氣唯有重新計劃過。 

最後一堂英文堂取消咗，即刻理論上我唔會再見到佢。仲未問佢拎電話，想wtsapp佢都冇辦法。而家咁睇，應該只可以add佢facebook。 

不過問題嚟啦。 





我女朋友有我facebook密碼，佢得閒就會上我帳號，名義上了解下我同我朋友嘅圈子，實際上就監視著我嘅一舉一動。 

我拎facebook add佢，世界末日都似。 

左思右想，度咗成晚，突然醒起之前開咗另一個帳號，用嚟俾我老媽子add嘅，廢事俾佢知我啲私生活。用個個咪得！ 

二話不說即刻add佢，之後就係漫長嘅等待。 

我都未試過咁識女仔，因為有時網上傾得再開心，出到街又完全唔同講法，倒不如先將段關係確立咗係現實世界，先再引入返去虛擬網路，失敗機會都細啲。 





不過add完之後，有種既興奮又期待嘅感覺，又幾過癮。 

最後成晚就係電腦前面等佢接受，等吓等吓，就係枱度訓著咗。訓醒已經係晏晝，望一望個facebook，妳仲係未接受。 

個天已經斷絕我哋之間嘅緣，唔通妳都冇意思發展我哋之間嘅份？