《港女FF妄誌》: [Day 05－意料之外] PART 04

人生既新一頁...

我諗女人到左廿五歲呢個關口...真係要好好咁諗下...諗下人生既新一頁...

趁住仲有最後既青春...趁住仲有最後既本錢...趁住搵到個好歸宿...都真係要好好咁諗下...好好咁計劃一下...

如果唔係...過多一年...過多兩年...過多幾年...過左三十歲...唔覺唔覺過左三十歲...

好多時都係咁...諗住過多一年唔怕既～過多兩年唔怕既～唔怕唔怕...不知不覺之間就過左三十歲...



過左三十歲...女人一過三十...就老得好快...

身形都會走樣...

唔係開始走樣...係已經走晒樣...

到嗰陣時先莫講話想搵返個好歸宿...搵個似樣D既男人都好難...

你揀人人揀你丫嘛～我明架～



之不過男人有權選擇既時間都比女人長...

有幾長？長幾多？

一個成功既男人可以由廿五歲開始揀揀揀揀揀揀到去五十歲都仲可以揀揀揀揀揀…

但一個幾靚幾索幾有魅力幾咁吸引既女人都只係可以由十八歲揀到去三十歲左右...

我俾你用盡晒SK-II捱到去三十五歲，都係得十七年俾你揀...



但男人最少都有廿五年時間俾佢慢慢揀...

你話係唔係好唔公平？

所以話男女幾時有平等過？

你可能話好似羅霖咁既年紀都仲好好J～

但有一個問題係必須正視，就係生小朋友...

如果話好似到左羅霖而家呢個年紀仲想生既話...仲有無得生？

就算有丫...都好危險啦...

就算咁好彩真係俾你生得出，都好大機會係弱智...



可能你會話唔生咪唔使煩囉～

但係當你去到一個年紀之時，你既母性就會出晒黎...

你會好想有個小朋友～好想可以湊下女～好想可以睇住個囡囡成長～

你唔好話要去到邊個年紀丫～我見過仲恩同仲言之後都不知幾想生返個啦～

再加上男人都會想有個完完整整既家庭架嘛～

完完整整…有爸爸...有媽媽...有囡囡既家庭...

企下諗下...諗下坐下...坐下諗下又轉下車...轉下車又企下...又諗下...又諗下企下...



不知不覺之間又到站...不知不覺之間又落車...

行下行下...諗下諗下咁行下行下...

我諗...真係要修心養性...

好好咁認定阿Ken係最後一個...

認定阿Ken係可以付托終身既男人...

好彩既話...過多兩三年...話唔定阿Ken都會有結婚既念頭...

到時既我都已經可以疊埋心水...等做鍾太～

廿七八歲結婚～三十歲前生返個囡囡～咁都仲有心有力湊下女～陪囡囡玩下～



就算帶埋佢去旅行，都無咁易攰丫嘛～

咁諗都真係唔錯～

都真係…幾美滿～

行多幾步...慢慢咁行多幾步...不知不覺之間又行到黎公司樓下...

又行到入去大堂...又企喺成班人後面...企喺道等𨋢...

「詩琳～早晨丫～」突然我聽到前面堆人之中...有把熟悉既男人聲...

我望一望上前...望一望堆人之中...



『早晨丫～Brian～』我向住同我揮緊手既Brian揮揮手～

成堆男人見到我地喺道打招呼，都好自然咁行一行開...

就好似摩西分開紅海咁左右分開...開出一條路俾我行過去...

『唔該～唔該～』我就好有禮貌咁點點頭...點點頭咁穿過紅海...行過去Brian面前...

點解班男人會咁有風度？

唔知呢～可能真係朝朝都見，就算唔知叫咩名都熟口熟面～自自然然都會有風度D～

不過其實大部份港男都真係幾有風度既～（係衰鹹濕姐～）

「今日咁早既？」Brian帶住友善既微笑問一問～

『係丫係丫～今日早左少少丫～』係囉～不知不覺之間早左返黎～

正常Brian都應該係...早我...大約半個鐘返到公司...

咁即係話...今日我早左半個鐘返到公司...

好多時都係咁～當你好多野諗...諗住好多野咁行去一個地方...你總會比預定時間早D到...

「咁你食左早餐未丫？」

『食左喇～食左喇～你呢？』

「我都食左喇～喺屋企食左喇～」

『哦～係丫係丫～』

好無聊咁問左幾句好無聊既問候語之後，我都地只係尷尷尬尬咁笑笑口...點點頭...

或者係因為俾一大班人望住我地既關係...

或者係因為我唔想再刻意去撩Brian既關係...

無錯...我唔可以再咁任性咁去撩Brian...

我唔可以再覺得係玩玩下咁去撩Brian...

唔單止係因為Brian已經係一個有家室既男人...

我都有一個好好既男朋友...我都要做一個好好既女朋友！

「有𨋢喇～你入先～」當𨋢門一打開，Brian就讓我入先。

『哦哦～唔該～唔該～』我就行到入部𨋢既角落～

我的的式式咁企埋角落頭，Brian撳一撳樓層之後，就背住我...企喺我面前...

或者係因為Brian知道成𨋢都係男人...就係得我一個女仔...會缺乏安全感...

或者係因為Brian知道有個可靠既男人企喺我面前...我會增加返唔少安全感...

Brian真係一個好體貼...又好有安全感既男人...

只可惜...你有老婆仔女...我都有男朋友...

如若早三五年相見...或者真係可以有得發展既～

之但係都已成定局...就唔好再諗咁多喇～

要修心養性～要修心養性～

就算係FF都唔可以！

之不過...如果話...我無男朋友呢？

如果話...我無同阿Ken一齊...我又會...

我又會唔會...

我諗...我真係會...

如果我無同阿Ken一齊...我諗我都真係會愛上Brian...

縱使Brian有老婆仔女...

Brian既魅力...我諗真係由八歲既小妹妹...到八十歲既老太婆都係無辦法抗拒...

女人...要求D乜姐？

咪就係一個可以令自己個心定落黎既男人...

我望住Brian既背影...個心真係好安穩...

好似置身於好安穩既家裏面咁...

呢種男人...可以喺邊道搵？

近在眼前...遠在咫尺...伸出手就觸摸得到...

但你又唔可以咁做...

因為你係知道...並唔係屬於你...

你係知道...你係明白...你係清楚...

但你總係要Try Try Not Die…

Try Try真係Not Die？

做人第三者真係咁容易？

真係可以即使間整個約會情調幽暗似地下城...還是算溫馨？

多麼想跟你散步橋上把臂看著風景...但是我清醒！

月亮總不肯照亮情慾深處那道背影～

算啦算啦～唔好再無人之境喇～

我話左要定性就定性～唔可以再浪漫到一起惹絕症架喇～

升降機一直向上升～好快就上到黎我地公司既樓層～（好似過左好耐咁～）

“啫 咔”Brian拍一拍卡～開一開公司門～讓我行先～

『唔該～』我都好有禮貌咁點點頭～

「唔使客氣～」Brian又客客氣氣咁點點頭後...

我地就各自各行返埋自己個部門～自己個位～

今日真係有D早～Doris都未返～賈老闆就更加唔好講～

我地呢邊燈都未開～

我都好似好耐都未試過要自己開燈～

因為好多時都係Doris早返過我～

“啪啪”開返D燈～

行返埋自己個位～

放低個袋仔～開著部爛鬼電腦～

一個人坐喺個無人既Office裏面...轉下轉下...轉下轉下張凳...

轉下轉下...轉下轉下...其實都真係幾悶...

一個人既世界...又無聲...又無氣咁...真係悶到癲...

究竟一個人係唔係真係可以浪漫架？

一個人的浪漫...

皓傑...

我喺個手袋仔拎一拎部電話出黎...

開一開個Facebook...

我完全無視晒D新通知新邀請新訊息...

直接撳一撳入去皓傑...

『無…』都係無更新過...

大半年黎都仲係無更新過...

都仲係大半年前既相…

大半年前既一個人的背影...

開始忘記你既感冒茶...

開始忘記你既體溫...

開始忘記你既電話...

開始忘記你既樣...

究竟你既酒凹喺左邊？定右邊呢？其實你去左邊呢？

係唔係真係去左冰島呢？

係唔係變左冰條呢？

係唔係半張相都唔Upload呢？

係唔係我唔更新你就唔更新呢？

唔...

我就喺我自己個“在想甚麼？”裏面打左句“難得一早返到公司只得我一個人”...

望住個“發佈”...指住個“發佈”...發左一陣呆...又一陣呆...

唔...

都係唔Post...

如果我Post先既話...即係話我忍唔住...

我總係有呢種感覺...

我總係覺得...皓傑之所以一直都無更新過Facebook...係因為見我都無更新過...

我總係覺得...皓傑係想睇下邊個忍唔住先...

呢D都係女人既直覺～

女人對呢D野係特別敏感～

敏感到我差唔多可以肯定假如我一Post野上Facebook，皓傑就會立即Like再加上佢都會立即Post野上Facebook！

所以我先唔會早過佢Post野上Facebook～

我要等到佢Post野上Facebook先，再立即Like佢然後先再Post野上Facebook～

等佢知道其實我一早就知道佢諗緊乜～

我係唔會輸俾佢～

縱使我輸俾全世界，都唔可以輸俾皓傑！

我就閂返個Facebook App～Lock返部電話～放喺檯上～望一望住部電腦～望一望住個Mon...

望住個Mon仲係Load緊個Windows畫面...Load緊個Windows畫面...Load緊個Windows畫面...Load緊個Windows畫面...Load緊個Windows畫面...Load緊個Windows畫面...Load緊個Windows畫面...Load緊個Windows畫面...Load緊個Windows畫面...Load緊個Windows畫面...

妖！咩年代呀？！

而家電話開機都唔使十秒啦！

Load個Windows都Load左成十五分鐘！

係唔係痴線架？！

點解微軟仲未執笠架？！

點解Apple仲未統治世界架？！

我仲要等幾耐丫？！

我仲要等幾耐先Load到入去呀？！

唉...坐喺道呆等真係唔岩我Style...

我都係要行下郁下先得...

我就拎起隻杯，行去Pantry～

行到入Pantry，又沖下咖啡～

朝朝飲一杯咖啡...都好似唔係幾健康～

尤其係三合一即溶咖啡～

其實我都好想可以玩下自己調配沖煮一杯Espresso～

只可惜我地呢D公司仔，邊有呢D咁有品味既咖啡器材丫～

不過講開又講，我都真係幾想去學下～

我一直都幾想去學下沖精品咖啡～

因為我都真係覺得...沖精品咖啡都真係幾…型～

好似阿不思咁～真係型到核爆～

雖然話之前阿Ken都有幫我買過部咖啡機返黎，但...其實我唔係想要嗰隻囉～

我唔係想要陳豪嗰隻放D咖啡粉落部咖啡機沖出黎就叫沖咖啡～

我係真心想學埋自己烘焙嗰隻囉～

唔...岩岩上完Cupcake班，黎緊上下咖啡課程都唔錯丫～

好啦好啦～有時間就睇下邊道有咖啡課程上下先～

唔...捉埋Doris陪我都好～

上堂都係有個伴會好D既～

就算係中毒都可以有人陪丫嘛～

沖下沖下…攪下攪下...

一個人...喺Pantry裏面沖下攪下諗諗下...

“咯 咯 咯”我聽到有腳步聲...“咯 咯 咯 咯”由遠...“咯 咯 咯 咯 咯”至近...“咯 咯 咯 咯 咯 咯”行緊過黎...

我望一望Pantry門口...

「咁早丫靚女～」Doris拎住隻杯，古古惑惑咁行左入黎。

『OK早啦～』一諗起Doris，Doris就出現～

而Doris呢個衰妹，面上總係會掛住古古惑惑既笑容...

又唔知喺道諗梗乜衰野啦～

「係唔係尋晚偷食完，今朝就特別精神～特別早醒呢？」Doris行到埋我身邊，撞一撞我...

『講咩丫？』Doris唔止面上總係會掛住古古惑惑既笑容...把口仲要係勁賤...

「扮咩丫你～尋晚同Sam哥丫～」Doris講一講...

『你仲好意思講架喎！』你唔提我都醒唔起你個衰妹做既好事！

尋晚推我去同Sam哥單獨食晚飯，你就閃左去！

「咩姐～係唔係要多謝我呢？」Doris仲好似唔知衰咁！

『多乜鬼野謝你丫？我真係多謝你做埋晒D無謂野呀！』好做唔做...

「咩無謂野姐？我都係幫你咋嘛～點姐～尋晚同Sam哥有無下文姐？去左邊個道搞野姐？有無戴套姐？」Doris拎起包三合一即溶咖啡喺我面前Fing下Fing下...

唔知點解...我睇住Doris Fing下Fing下包三合一即溶咖啡好似Fing下Fing下包Dom Dom咁...

『無丫！』我一手就推開Doris隻淫手...

「下？！無戴套咁刺激？！」Doris勁驚訝咁既樣！

『痴咩線丫你？！咩都無丫！咩都無做過戴乜鬼野套呀？！』Doris真係淫上腦！

「下？！咩都無？咁都會咩都無？一男一女單獨食晚飯...飽暖就一定會思淫慾架喎...點可能咩都無丫...」Doris諗下諗下...

『無Feel咪乜都無囉！你丫！好心你做雞就做雞，唔好做埋晒D雞仔媒人啦！』我真係忍唔住要話一話Doris！

自己衰好啦！又要搞埋我！

「咩丫？我邊有做雞丫～我最多都係做雞仔媒人咋嘛～無Feel？見Sam哥大大隻隻咁...都應該可以好滿足～」Doris又笑淫淫咁沖咖啡...

大大隻隻...

我就係唔鍾意D咁大隻...

D肌肉爆晒出黎咁...隻手都唔知放得喺邊咁...

真係要同呢D筋肉人一齊，箍住佢手臂都已經夠晒辛苦...

俾佢箍住條頸既話就直頭抖唔到氣！

不過講開又講...

『我都好耐無高潮過...』其實我係未試過噴水...

只係唔想俾Doris呢個小淫娃知得咁多...

你知架啦...好似Doris呢D小淫娃性經驗咁多...晚晚噴幾十次都唔出奇...

俾佢知道我未試過...實俾佢恥笑...

「所以咁先要試下Sam哥丫嘛！」Doris好似好有經驗咁...

『大隻就一定會高潮架咩？』我冷眼望住Doris...

唔係有樓先有高潮架咩？

「咁大隻既男人，下面都一定又粗又長又大碌！就算你有幾闊，都一定會塞到你滿滿脹脹咁～到時仲唔好似決堤咁噴出黎！」Doris講到勁肉緊咁...

『痴線！我好窄架囉好唔好！咁插入黎真係插死我都似！』你闊咋！我好窄架！

唔係得我自己講架～

阿Ken都係咁話架～

阿Ken成日都話我下面仲好似D十幾歲既𡃁妹仔咁咁緊咁窄架！

「小蟹聊～睇你都係闊過獅子山通道～去蒲～去蒲～你蒲到唔對路～咪落去蒲到做對伴侶又要同佢嘈～埋黎Party～為Have Fun～玩完就係分～搵搵情人玩陣情感～好少可係真～」Doris又喺道淫唱喜愛射毛...

『你就小蟹聊丫～』扮晒蟹～

「咁你尋晚食完～～～～餐飯之後，覺得Sam哥點姐？」Doris特別將“食完”拉到勁長勁長咁...

『點？有乜點？我覺得佢...成日自吹自擂囉...仲有...好鹹濕囉...』又要吹又要鹹濕...就係Sam哥俾我既感覺囉...

「佢鹹濕你呀？！」Doris好似食晒花生咁...

『咁又無...係對眼神勁鹹濕咁囉...』平時俾仔𥄫都唔覺得佢地咁鹹濕...但Sam哥望住我既時候，對眼神真係勁鹹濕咁...

真係好似俾佢連環視姦咁…

「咁就岩晒啦～男人越係鹹濕，就越易容令女人高～～～～～～潮～真係噴到脫水都似～」Doris笑淫淫咁...

『痴線！』呢個Doris個腦真係廿四小時全天候任何時候環境場景風景都可以諗到淫野架喎！

Doris究竟食乜野大架？食精大架？

『我真係對Sam哥無乜好感囉好唔好？』我都費事同佢繼續糾纏...

「係無好感又唔同人講清楚？」Doris飲下飲下杯咖啡...

『我費事講到咁絕...無謂Hurt人...佢咁大個人應該識得知難而退啦...』仲細咩...唔使下下都畫埋條盲腸出黎架嘛？

「收兵就收兵啦～」Doris冷眼咁望一望我...

『咩收兵丫？你咁鍾意收就自己收埋佢！』我又回返個冷眼俾Doris...

「嗯嗯～都真係要諗下點樣用自己對波去色誘下Sam哥先得～」Doris好似成個腦都係衰野咁...

『你自己慢慢諗下啦下～』我就無Doris咁好氣，行出Pantry。

收兵收兵...仲年輕咩？

收兵呢D咁幼稚既野，就只有D十幾歲既𡃁妹仔先會做架咋～

咁大個人仲做埋D小學雞既野真係講出黎都俾人笑～

更何況...係收都唔會收好似Sam哥呢種啦...

邊種？

咪就係大大件件...阻手阻腳...唔知收得喺邊好...

唔通收佢返黎派佢去打仗咩真係？！