《港女FF妄誌》: [Day 01－平凡港女] PART 06
既然Brian都主動提出同我開房...入會客室傾...
『嗯嗯...方便...方便...』咁我又卻之不恭喇～
「嗯嗯～咁你等我拎埋部電腦...行得～」Brian就拎住部MacBook Pro～
『嗯嗯...有勞...有勞...』我就扮晒怕怕羞羞咁點點頭～
Brian帶住我～我又跟住Brian身後行去會客室～
一路行...成個I.T.部D同事都望住我...（話就話係成個，其實成個I.T.部都只係得四五個同事...）
有D仲望住我對腳...望住我對薄薄地身既黑絲...
望到流晒口水咁...
鹹濕仔～
不過又難怪既～
成個I.T.部搵個女仔睇下都無～
平時佢地係～見到我地呢D第二個部門既女同事行左入去Pantry丫～都借D易走入黎扮晒斟水咁𥄫我地架啦～
有D仲要拎住杯水企喺道扮晒睇手機咁～實質偷影我地～
你估我地唔知咩～
有次我仲見到有個鹹濕仔偷偷隊部電話埋去Doris裙底～
我同Doris講～佢話俾人影下裙底無乜所謂咋～
唔係既話我實叫Doris屈個鹹濕仔影返D露JJ相俾我同班姊妹開心Share～
不過講真嗰句，有時我俾佢地偷影左都唔知...
不過算～唔理得咁多～
當係俾人欣賞自己既美麗啦～
行左唔夠幾步就行到黎會客室...（間Office真係好鬼死細～）
“啪 啪 啪 啪 啪 啪 啪”Brian就開著晒成間會客室既燈...
燈火通明咁～係唔係怕我會誤會你會對我有不軌企圖～怕嚇親我丫～
睇個勢就似喇～
因為Brian帶到我入去之後...
「坐～坐～」Brian連門都唔敢閂～就叫我同佢坐落張梳化上～
無錯～係無閂到門～中門大開嗰隻～
但點解會坐喺梳化上？
仲要係二人梳化嗰隻～
無他既～之唔係又係因為我地間Office鬼死咁細囉～
個會客室都係得張梳化仔～一張長方茶几仔～仲有個矮櫃點綴下咁～
『嗯嗯～』我掃一掃條裙～小小心心咁坐一坐落張梳化上～
Brian都將部MacBook Pro放到喺茶几上：「係呢...D客係問個系統既野定係電子課本裏面既野呢？」
『嗯...』我咬一咬唇，諗一諗，『系統方面又有...電子課本又有...』
我諗我答得無凌兩可咁會好D～
「嗯～咁不如由系統開始講起先～」Brian撳下撳下部MacBook Pro～
望住Brian撳下撳下...又望住個Mon彈左幾個視窗出黎...又彈左個Chrome出黎...
『呢道呢道～有D客問我呢到呢個畫面可以喺邊道撳個設定出黎～』我扮晒唔覺意又好自然咁指一指落個Mon～又輕輕挨一挨埋去Brian身上～
「哦～呢層呢...」Brian就立刻好自然咁避一避開，「你可以喺呢道撳入去既～」
Brian就指一指個Mon...又撳一撳個Multi-Touch觸控式軌跡板...
『嗯嗯...』使唔使咁快反應丫...
我都未掂到你...你就縮開喇...
你唔係咁怕我會嗌非禮丫化...
而家似我侵犯你多D喎...
睇Brian既自我保護意識咁強...唔得唔得...要沈著應戰先得...
我就保持住姿勢...保持返少少距離...靜待時機...
「咁呢道撳呢個公仔就可以加到D Paper啦...」Brian一直留意住個Mon...
『哦～呢個公仔？』我又指一指個Mon...
「唔係唔係…呢個係Delete既...呢個先係加...」Brian好用心咁教我...
『呢個係Delete？』就算係我有心指錯...
「唔係唔係…呢個係Edit既...」Brian都係勁耐心咁教我...
就算我亂咁指...亂咁問...Brian都會又用心...又耐心咁教我...
Brian既視線一直都喺個Mon裏面...喺個介面之中...
就連我隻手指都唔望下...
算點丫？
而家係唔係個Mon吸引過我丫？
我係唔係咁唔吸引丫？
我覺得就係我隻手指都引死人囉好唔好？
點解Brian連望都唔望我一眼架？
係我唔夠誘惑？
係我唔夠性感？
係我唔夠挑逗？
定係你真係咁好定力丫？
我就真係唔信呢個世界上有唔食魚既貓囉！
我輕輕咁翹起對腳...又輕輕咁搖下搖下...搖下搖下隻腳仔...
又不時用隻手喺自己隻大髀上掃下掃下...摸下摸下...來來回回咁...來來回回咁...又用隻中指喺條薄身黑絲上打下圈...
「咁呢道呢...就可以修改架喇...」但Brian又好似無乜點留意我隻腳仔...
咁靚既腳都睇唔上眼？
俾下面望兩眼都好丫～
既然係咁...
『呢道丫？』我就伸隻腳仔掂一掂Brian隻小腿～
「係丫係丫…呢道就可以架喇...」Brian又縮一縮開...
哎呀呀～竟然縮開？！
真係過份！
我都主動伸隻腳過黎...你乖乖地唔郁由我用隻腳仔掂下你又好～掃下你都好啦～
你竟然同我縮開？
係唔係覺得隔住隻鞋唔夠過癮？想要D刺激D丫？
既然係咁...好！
『不過呢...D客話呢個掣好似唔係好清楚喎...』我專登離遠指住個Mon～
「邊個？呢個？」Brian又指一指個Mon～
『唔係唔係～呢個～』我又挨近D埋Brian身邊～
「呢個？」Brian又指一指個Mon～
『唔係唔係～呢個先係～』我又再挨近D埋Brian身邊～貼隻大髀埋佢大髀道～
「呢個丫？」Brian好似唔多為意咁又指一指個Mon～
『唔係呢～呢個丫～』我貼個嘴仔埋Brian耳邊～嗲聲嗲氣咁講～
「哦！呢個丫嘛！」Brian勁大反應咁彈到埋梳化邊！「我地會改改...改改...」
使唔使咁大反應丫又...
呢個Brian...係唔係真係咁靚女勿近丫？（我認我係一個靚女～）
貼埋D姐...喺耳邊嗲下姐...都彈到九呎遠？
係君子？定係怕羞丫？
我真係分唔到...
我真係好似...好似無遇過呢種男仔...
呢種咁怕同我...有身體接觸既男仔...
怕同我有...身體接觸...
唔係話無遇過...
的確係有遇過...
一個...就只係得一個...
「咁呢道就可以加單元～」Brian繼續好用心咁教我...
『嗯嗯...』我都好專心咁去聽...
「咁呢道又可以刪減D單元～」Brian將所有既注意力都放喺個Mon道...
『嗯嗯...』我都無再去嘗試做出D乜野挑逗性舉動...
因為...都真係無乜癮...
一心諗住玩下～挑逗下人～引誘下人～
但人地就眼眉都唔望下我...
真係好鬼死無癮...
就好似話我一D都唔吸引咁...好似欣宜著Bikini咁...
我都係無謂再丟自己架啦～
「仲有無D乜野唔明既地方？」Brian友善咁望住我笑。
『無喇無喇～』有都費事問啦...
仲唔夠面懵咩...
「嗯～咁如果再有乜唔明可以隨時黎搵我架喎～」Brian仲係超友善咁既樣...
『嗯嗯～一定一定～』到時有心情先再算啦...
「嗯～咁...呢道等我閂得架喇～」Brian執一執佢部MacBook Pro。
『嗯嗯～咁我返過去先喇～勞煩晒～』我就起一起身，同Brian鞠一鞠躬。
『唔勞煩～唔勞煩～』Brian同我揮揮手。
我就行返出會客室...
唉～真係失敗～
平時成日都話自己點樣吸引有幾多男仔𥄫又有幾多狗公忍唔住要走入廁所J自己～
而家用左成朝，都引唔到Brian望我一眼...
唉～失敗丫～好失敗丫～真係好失敗丫～～～
我帶住成個生意失敗咁既失敗樣行返埋自己個位...
但坐喺我隔離既Doris就勁容光煥發咁望住我黎問：「嘩～你搞咩死口死面咁既樣既？」
『唉...唔好提喇...總之就真係勁失敗丫...你呢？唔係俾老闆砌左成個朝早架咩？點解仲可以咁好精神架呢？』我死下死下咁問返Doris...
「下？乜你唔知女人越做得多就越精神～氣息越好架咩？吸精丫嘛～」Doris笑淫淫咁既樣...
雖然唔明...但好似好勁...
「唔好講咁多住喇～搞左成朝搞到而家勁肚餓～我地都係快D出去食野先啦～」Doris就拎起部電話同銀包翹住我...
『喂喂！等我拎埋部電話同銀包先啦！』
同Doris行去附近既茶記食Lunch...
係就係Cheap D架喇...
鬼叫我地就係得一個鐘既Lunch時間...
呢頭又無乜好野食...
有好野食都無錢食...
早幾日又忍唔住手淘完寶黎...
上個月既卡數都未找...
而家月中就已經要節衣縮食...
真係大件事...
睇黎月尾都要搵阿Ken救濟下先得～
男朋友丫嘛～男朋友既一千億樣用處之一丫嘛～
「嗰邊有位嗰邊有位！」Doris拉住我衝埋去個卡位道～
『真係日日都咁多人...』我望一望成間坐滿晒人既茶記...
嗰邊坐左成檯西裝友...
呢邊坐左成檯地盤佬...
嗰邊又坐左成檯潮人...
呢排卡位又坐滿晒偽文青...
清一色仔仔仔仔仔仔仔仔仔仔仔仔仔仔仔仔仔仔仔...
個個對眼都發晒光咁望過黎我地呢邊...
仲要流晒口水咁望住我對薄身黑絲美腿...
都好～頭先喺Brian身上失去既自信，而家喺道拎返晒～
真係成個女人返晒黎呀～
「好肚餓丫好肚餓～快D叫野食先～唔該～」Doris舉起手Fing一Fing～恤衫裏面嗰兩大舊肉就擺左兩下～
在場所有鹹濕仔都望住Doris心口嗰兩大舊肉～
所以話邊有貓唔食魚架～
「點丫兩位靚女～想食～D乜野咁丫？」個肥佬侍應就摸住自己個肚...拎住疊紙...鹹鹹濕濕咁行埋黎我地身邊...
「我想要個快餐A～熱撚死～」Doris同個肥佬侍應打左個眼色...
「快餐A～熱撚死～呢位靚女呢？」個肥佬侍應鹹鹹濕濕咁打量一下我...
『快餐B～熱檸茶丫唔該～』我又扮晒矜持咁～
「一個快餐A～熱撚死～一快餐B～熱檸茶～等下好快就有丫下～」個肥佬侍應同我地打左個鹹濕眼色之後就行左去～
望住Doris望住個肥佬侍應既背影都流晒口水咁...
『同賈老闆瘋狂過後仲未夠？仲想打個肥佬侍應主意？你都真係幾鍾情於肥膩野架喎～』我忍唔住都要恥笑一下Doris～
「No No No No No～我唔係鍾情於肥膩野～我係係仔都想食落肚～」Doris成個餓樣出晒黎～
係仔都想食？！
傳說中既人盡可夫？！
『你係唔係真係咁大食丫？』我真係好好奇Doris呢個女仔既身體構造...
我好似Doris呢個年紀既時候都無咁狼死…
最多咪一晚五六次...
而且一定係要有Feel先搞得落...
唔會係仔都俾佢插入黎囉...
「咩大食唔大食姐～有食唔食罪大惡極丫～」Doris仲好似講到好有道理咁...
『咁都唔一定係次次都咁重口味掛...』你呢D似係饑不擇食多D喎...
「下？好重口味咩？我又唔覺喎～」Doris一面無知咁既樣...
『賈老闆喎...中年肥叔叔喎...合埋眼當俾鬼壓都唔掂啦...』望到佢個肚腩都真心濕唔到囉...
「唔係丫～佢隊埋黎既時候個肚腩彈下彈下咁幾得意丫～」Doris淫笑起上黎...
下？肚腩彈下彈下都得意？
真係好重口味喎...
「一杯熱撚死～一杯熱檸茶～」等到個肥佬侍應放低兩杯野飲...
「而且D肥佬丫～條野仲幼過支匙羹丫～插到入黎都唔覺有野架啦～」Doris拎住隻匙羹仔喺杯熱檸水裏面攪下攪下...
『咁你又俾佢搞？』咁幼插入黎真係無乜感覺架咋喎...
隨時自己用手指都爽過俾佢抽插啦...
「當刺激下咋嘛～又可以做少D野～你睇～我今朝就成朝都喺老闆房裏面同老闆玩～乜都唔使做～我做錯野又唔會炒我～最多都係俾佢搞多幾次～你唔好睇佢地呢D中年肥叔叔好似好勁咁丫～實質抽插唔夠幾下就嗌住要射要射～射完又要抖返陣回下氣先再黎過～真係抖多過搞架～」Doris飲一啖熱檸水...
『真係架？』我又有D好奇...
乜D中年肥佬真係咁易射架咩？
我就真係真唔知...
我都未試過同中年肥佬搞過...
我只係試過俾個中年男人...
「真係架～我每次都要拎定盒家庭裝入去同佢玩～」Doris又笑淫淫咁既樣...
『下？套都你出丫？』俾人性侵都仲要自備Dom Dom？！
「梗係啦～唔係我出丫，佢實借D易中出我啦～我又無咁笨丫～」Doris好似看破紅塵咁擰擰頭...
咁樣真係唔笨咩？
「我又唔係想做佢既小三～又唔係想破壞人地家庭～大家都係尋開心～貪一刻的樂極忘形姐～點都要保護下自己既～」Doris又好似唔緊唔緊咁飲啖熱檸水...
呢一刻...我都真係唔係好明Doris諗乜...
你話我係淫底...鍾意勾引下人...挑逗下人...色誘下人既話...咁Doris呢D係乜？
假如我認我係淫...咁Doris呢？
仲有乜野可以形容到？
唔通就只有雞？
全部都係雞？
只要戴套，就可以同任何男人發生關係...
或者呢種想法都真係幾普遍...
或者晚晚都有好多呢D事情發生...
尤其喺老蘭...
戴左套就唔算係直接性交...
男人就屌套...女人就俾套屌...
無責任架～無負擔架～
大家都係貪一刻的樂極忘形姐～
咪說下謊～不眨眼睛～這愛情無人性～
男歡女愛或者就係咁啦～
之不過女人淫賤都要男人鹹濕先得～
你睇下在場D男人...
個個都仲係唔係𥄫住Doris對豐乳，就係𥄫住我對薄身黑絲美腿...
我仲望到有幾個西裝友𥄫到扯晒旗...成條西褲都凸起晒...
我輕輕翹一翹對腳...班西裝友條西褲又凸左一凸...
我再用隻腳仔玩下隻鞋仔姐...幾個西裝友仲要伸隻手入褲袋擺一擺返正條J...
鹹濕仔～
所以話男人呢～都係鹹濕架喇～
只係睇下忍唔忍得到～又睇下容唔容易表露出黎～
我相信Brian只係比較忍得～無咁容易表露出黎～（暫時～）
至於我啦喎～我都真係幾享受架～
幾享受俾成班男人視女女女～
因為我係淫底丫嘛～我認架～
只係...我會點到即止姐～
「好飽喔～但真係好難食喔～」Doris伸左個淫賤既懶腰～
『鬼叫我地都咁窮咩？你都係快D拋個身出黎做啦～』我就同Doris行返去工司～
「我先唔會～」Doris擺下擺下個身～對豐乳又搖下搖下～
『反正你咩仔都得架啦～賺埋錢既話咪一舉兩得囉～』又有得享受～又有得賺錢～幾好～
「唔同～唔收錢就叫做尋開心～收左錢就係做雞架喇！」Doris谷起塊面豬登擰擰頭～
有分別咩？
我真係覺得你而家咁既樣都係同雞無分別架咋喎...
我相信唔止係我...就連同佢搞過野既男人都會認定Doris係雞架啦～
既然都俾人認定左咯...點解唔直接去做雞呢？
唉～唔知～
反正我都唔係好明Doris諗乜～
亦都唔需要明佢諗乜～
佢點諗點做都唔到我理～
我自己都理唔掂自己～理人咁多做乜丫～
同Doris一上到返公司，就見到有個𡃁仔拎住束紅玫瑰喺我地公司門前撳下撳下個鐘仔...
『靚仔～送花黎架？俾邊個架～』我就撩下個𡃁仔～
個𡃁仔嚇左一嚇，面紅紅咁望住我：「我...我送花黎賈書有限公司既李詩琳小姐架...」
『哦？我係丫～』有人送花俾我？
「哦...李小姐請簽收...」個𡃁仔隊一隊束花俾我...又隊一隊支筆同張單俾我...
『哦...唔該晒丫靚仔～』我就大筆一揮～
簽完個靚名～攬住束紅玫瑰～無再理個𡃁仔望住我望到呆晒～就同Doris行返入公司～
「束紅玫瑰咁靚～邊個送架邊個送架？」Doris八八卦卦咁追問～
『仲有邊個丫～』我一邊拎一拎起插喺花裏面張卡，打一打開，『我男朋友丫～』
張卡寫住...“美麗動人的詩琳女朋友 任何時候我都係咁掛住你 最深愛你的男朋友Ken”
呢個阿Ken真係丫～
「嘩嘩嘩～咩日子丫？拍拖紀念日？」Doris古古惑惑咁打量下我。
『唔係丫～咩日子都唔係丫～』閒日黎咋嘛～
「好甜丫～會送花既男朋友已經難搵架啦～仲要想送就送～仲要寫D咁甜既字句～任何時候我都係咁掛住你～甜到入心丫～」Doris一副含春咁既樣～
『咁恨就快D正正經經搵返個拍下拖囉～』我就無Doris咁好氣～搵返個花瓶仔斟D水～插起束花～
「我重申我就係話會送花既男朋友已經難搵～所以唔係我唔正正經經搵個人～而係搵唔到呢個人～OK？」Doris勁妒忌咁既樣～
『咁就唔妒忌得咁多架喇～呵呵呵～』我唔理Doris咁多～拎盆花返埋自己位～
「車～好叻咩～睇你幾時散～」Doris都行返埋自己個位～
幾時散？就真係唔知～
不過阿Ken又真係幾好既～
無啦啦送花喎～你有幾耐無收過男朋友束花？
我諗未一齊既時候就收得最多～
一齊左之後？清明重陽都未必收得到～
所以Doris所講都唔係無道理既～
唔係唔想正正經經搵個人...而係搵唔到呢個人...