褪色中的回憶。。。: 完結是另一個開始

都唔知點解無Q聊聊真係走左去幫條o靚妹去做說客。。。。
Frankie話佢見o靚妹幾好玩，撩佢個陣幾有反應，所以咪試下。－口－ 其實，。。。。關我咩事呢。。。
你要玩就自己攪返掂佢。。。

講清楚之後，佢地都正常返，但無之前咁flirt。
正當大家都以為close file之制。。。。。我又比八婆截住我！

「點丫又？！」

我又見到o靚妹喊！





八婆：「佢有野想同你講」

「佢。。。又攪你呀？！」
 o靚妹：「。。。。」（喊到好可憐咁）

媽丫。。。想點丫。。。又要截住我又唔講野。。。

o靚妹呻住鼻：「。。今日。。。我見到有人。。。攬住佢」（又喊返）





「下。。。。」

「佢。。。其實不嬲係以前學校都幾受歡迎既。。。」

咪住！想點先。。。佢比咩人攬住關你乜事呢。。

「。。。咁，。。你想點呢？！」

o靚妹：「。。。我。。。（喊）。。我見到好唔開心。。。」





「－口－，你又話唔鍾意佢既。。。」

o靚妹：「我。。。我。。唔知丫！。。。。。。」

我頂唔順咁拖拖拉拉既情節，我拎左手提出黎打左比Frankie叫佢即刻死過黎攪掂返佢。

八婆一見到Frankie就好有霸氣捉起佢咁制：「你而家要唔要佢？！你唔要我要！！」
 好有霸氣！原來八婆對FD都幾好，第一次有咁既感覺！
一對怨侶解決佢地既問題，外人緊係閃！

「喂，走囉！」

八婆：「哦！（雙眼望實佢地）」

跟住我同八婆講左成粒鐘電話，呢一個鐘我地既話題圍繞住個對怨侶，究竟第二日我地會見到謝晒既o靚妹定係見到拖住手既怨侶呢？！






第二日，我地係見到閃爆旁若無人既怨侶！！
其實呢，我坐係兩位後面，我係睇得好清楚見到兩位sweet爆拖住手仔上堂架！
有無理過人感受既呢！？！
呢D畫面令我更掛住霖恩，但佢開左學之後都好忙，好少上網！

由個日開始，我長期做左一個大燈膽！

「HI！」一個唔識既號碼

。。唔係霖恩！
「邊位？！」

原來係Frankie條PK將我個電話比左佢條女！





「喂！」係八婆。

就係咁，我地就成為左whatsapp朋友！
o靚妹成日前都會係whatsapp問我Frankie既野，而八婆又唔知做咩成日send d 無聊野比我，成日同我講佢D韓星。。。。

「－口－。。其實。。我邊忽似對你D Super Senior有興趣呢？！」

八婆：「咩呀！？！係JUNIOR呀！」

「都唔後生啦，仲Jun咩ni 牙」

八婆：「哼！我唔會理你感受，我係要send比你丫～～」

「－口－ 信唔信我Block你, 咪再sent野黎晒我DATA」





唔知係咪八婆首領平時太有霸氣，無人敢駁佢，佢好似幾鍾意同我你來我往咁嘈黎嘈去！

可能同D同學慢慢熟，諗起霖恩既次數慢慢減少。。。。
而且佢好耐無同我傾計喇，就算見到佢「在線上」，通常講一兩句佢又話有野做唔講。。。

八婆：「喂！星期六有無野做？」

「無，做咩」

八婆：「陪我睇戲丫～我想睇金雞3」

「無興趣！」

八婆應該約過我N次都比我推左，明明佢有勁多Friends都唔知做乜成日約我，大家都唔熟！





－－－－－－－－－－－－－－－－－－－－－－－－－－－－－－－－－－－－－－－－
霖恩：「我識左D新同學幾好人架，我地會煮野食Share食、傾下計、溫下書咁。。。有個叫XX。。好好人架（怕羞樣）。。。。。」

佢之後讚個個人既任何野我都唔記得，只記得個一刻我知我就快又失去佢！
其實，我都無正式擁有過，點會失去。。。。。
 －－－－－－－－－－－－－－－－－－－－－－－－－－－－－－－－－－－－－－－－－
【小息】

八婆個FD坐左埋佢個位，佢迫到成個人迫左埋我度，因為就跌，我一隻手攬左落八婆條腰。。。。

「喂！好痕呀！」八婆話，佢一手FING開我隻手，我成個人跌左落地！

原來佢怕人掂佢條腰。。。哈。哈。哈！搵到死穴！


又另一日，八婆同八婆黨係度玩，我地係隔離食花生。
佢地追追逐逐係度你揸我我揸你、跟住就向腰進發。
呢個時候我路過八婆前面，佢唔知個死字點寫咁想試我驚唔驚。。。
一個轉身就避開左佢既攻擊，繼而到我進攻！！！！
因為佢極力反抗，我索性一手攬實佢條腰！
呢個時候另一條花生友路過話： 「咁肥兩隻手都捉唔晒啦」
笑L死人！即刻無晒力比佢逃脫左！
當然個條花生友下場好慘，比人追住打！

「玄彬好靚仔，我老公真係好型！」八婆whatsapp我

「夠鐘食藥喇！大嬸！」

八婆：「今晚呢集好好笑呀。。。。。」

「我唔知你講咩」

有時八婆無聊會打比我吹水，乜都吹，講下佢屋企、佢D老公、講佢D FDS是非、問下功課，有時我都會講住電話幫佢溫書。

其實我應該多謝八婆，多謝佢成日煩住我，我先唔會成日諗起霖恩。
 －－－－－－－－－－－－－－－－－－－－－－－－－－－－－－－－－－－－－－－－－－－

霖恩：「我諗我鍾意左佢，佢就生日喇，你話送咩比佢好呀？」

嗯！果然有機會發展既，半年內一定會開波！
我識得霖恩太耐喇，已經過左期。聽佢講個個佢，應該對佢都有好感，會開始應該係遲早既事！
唔知點解我唔係好痛，可能因為都有心理準備。。。
呢一刻我淨係想搵人陪下我。。。唔知點解我打左比八婆，我無同佢講咩事，好似串下佢同佢講下無聊野都會開心D咁。

「喂！八婆！做緊咩？」

「溫緊書丫！」八婆

「轉死性呀你！好悶！吹下水」

八婆：「都話溫書囉」

「一路講一路溫囉」

八婆：「我會掛住講溫唔到架！」（妖！平時叫我幫你溫又唔見你咁講）

我深深咁吸左一啖氣頹聲：「Er....咁唔阻你喇。。。。」

八婆：「唉！好煩呀你！講一陣架咋！」

結果我地講到食飯、沖涼都仲講緊，講到電話無電。。。
多謝你呀八婆！係我最想人陪個陣吹左咁耐！