褪色中的回憶。。。: 緣起

9月1日

我係一個轉校生，一個Repeater。
同我黎到呢個新地方既仲有幾個Friends，但我地被派到唔同既班。
同我同班既係唔熟既Frankie...

講返我自己，其實一路以黎我既成績唔錯，會Repeat除左因為自視過高，應該係因為「佢」，一個曾經我好鍾意既「佢」，「佢」叫做霖恩，佢好單純，好可愛。。。
霖恩同我一樣考試都衰左，但佢無Repeat，屋企人送左佢去外國讀書。。

無左霖恩既日子好難過，好似一個無左靈魂既驅殼。。。。。





同Frankie入到一個陌生既課室，我地好似外星人咁比成班望住。。
眼見無靚仔靚女，有D仲甩皮甩骨咁既樣。
由於佢地都係原校生，大家應該都熟，明顯地佢地細聲講大聲笑咁討論緊我同Frankie

班主任黎到，要再編過所有人坐既位，一個一個咁叫名安排位。。。
我心諗比個摺位我坐埋一邊得架喇。。。。
最緊要唔好坐個堆八婆附近，我最怕嘈同煩既女人。

班主任應該覺得幾優待我地，其他人被叫名個個都「唉」｀「下，坐第二度得唔得呀。。。」




我竟然坐Frankie後面，但其實我唔覺得有咩值得高興，第一同Frankie唔熟，第二無霖恩係度根本乜都已經唔重要，第三我要坐係個八婆首領隔離。。。。

一放學我就狗衝返屋企坐定定係電腦前面。
一路等等等。。。。霖恩上網喇！
同佢講完今日發生既事，好快佢就要OFFLINE去返學。
有時差，無計啦。而且，其實已經1點，聽朝我仲要返學。

如是者，好快過左一個月，每日返學對住班低低能能既同學，聽我已經學過晒既野，放學就衝返屋企等同霖恩傾計。

同Frankie算熟左好多，話晒大家日日見、一齊食飯、一齊LUNCH、一齊上堂，慢慢話題多左。




同D同學有無交流？！有既，間中都會撩下後面個個、上堂都有同八婆首領吹下水，唔知幾時開始，Frankie好似幾鍾意撩佢隔離個o靚妹講野。。我口痕個陣又會搭下嗲，八婆又會加入下咁，久而久之，我地四個天下太平咁開始熟，間中仲會一齊食下lunch咁。。。

有次o靚妹借功課比Frankie抄，佢一手捉住人隻手唔放，拖住左人地，嚇到o靚妹呆Q左。
之後佢地仲愈玩愈埋，成日互Flirt....我同八婆就打眼色望住佢地。。。。

正當大家都以為佢地打得火熱。。。
一日放學我行出校門，o靚妹捉住左我，我都比佢嚇一嚇！

「。。我可唔可以阻你一陣呀？」佢眼有淚光，尷尷尬尬咁同我講，同行仲有八婆。

「哦，一陣都OK既。。。」（唔好阻住我同霖恩傾計，佢呢排少左上網同我傾）

佢地兩個同我去左附近既Cafe仔，大家叫左杯野飲之後，o靚妹無啦啦喊左出黎。

「！做。。。做咩呀你。。？！！」 （我最驚人喊，咩事先）





「咪你個Friend囉！」八婆話

「下？！。。。Frankie???。。。。佢。。。。攪你呀？！！！」

問完呢句o靚妹仲喊得勁D。

「你個Friend呀，無啦啦咀左佢一啖，又同佢表白，跟住仲去佢屋企樓下等佢嚇親佢呀！」八婆話

「。。。下！？。。。你地唔係互有Feel既咩。。？！」

「佢玩下點鬼知你個Friend認真既姐， 仲要好似變態咁跟人返屋企」八婆又話

「點解全部都係你講既？！你係代言人呀？」





「車，佢講唔到，我幫佢講之麻！我夠句句望住你講，你句句都望住佢答」八婆話。

我望住o靚妹，佢真係勁似比怪叔叔非禮完唔知點算既女學生。。。
「我同Frankie講下啦。。佢都係玩下，玩到過左火唔知既姐。。。」
 o靚妹個滴淚水係眼眶朗朗下，真係我見猶憐。。

o靚妹： 「。。。唔該你丫。。。。」