《聽說她是一隻Hell雞……》: 第十一節

「你想食咩呀？」我見Candy望住咁多嘢食好似不知所措咁，就話：「不如食粟米啦。」
 
自從上咗大學以嚟，我都冇做過運動，加上睡眠不定時、飲食習慣不良，所以我不斷發福。亦因為咁樣，每次我去食宵夜嘅時候都會選擇一啲比較健康嘅食物，不過食宵夜就點都唔健康㗎嘞。
 
「吓？好似好大杯喎，我一個人食唔晒。」Candy望住我，把聲唔知點解變得好嗲。
 
「兩個人食得晒嘞掛？Shake shake share啦！」我搞咗個爛Gag，佢又笑到掩住個嘴、瞇埋咗隻眼。
 
不過我喺買嘅時候冇要到兩隻匙，而且仲前拔頭籌咁食咗第一啖然後遞俾佢。
 


原本我呢個舉動係諗住玩吓佢，睇吓佢有咩反應。點知佢一手接過杯粟米仲好快咁食咗啖，跟住又遞返俾我，完全冇理過我啲口水尾。
 
我男人老狗，唔通要驚你一個弱質女子嘅口水？等叔叔好似吉村卓咁奶均隻匙啦。
 
如是者我食咗幾啖又俾佢食，好快一杯粟米就俾我哋食晒。
 
食完杯粟米，個人有啲飄飄然嘅感覺，跟住佢仲講：「好好味呀，下次再一齊食好唔好呀？」
 
「梗係好啦。」我都不作保留，將自己嘅想法講出嚟。
 


回程嘅時候，喺Lift入面我哋都係有講有笑，可惜一程Lift嘅時間過得太快，唯一我有記低喺腦海嘅，就係佢嘅背影同體香，以及佢所住嘅層數。
 
可惜果晚好難瞓得著，隨住我哋大家嘅距離愈嚟愈近，我就愈嚟愈介懷佢係Hall雞呢件事，因為我真係接受唔到。

結果我輾轉反側、徹夜難眠，然後我打咗句Message俾Kevin：「唉屌沉撚晒，唉唔撚驚。」