《聽說她是一隻Hell雞……》: 第十節

「Jack Jack，食唔食宵夜？」佢Send咗句咁嘅Message嚟。
 
哇屌，你做乜咁叫我！你有咩企圖！
 
我諗就咁諗，但身體卻很誠實，即刻覆咗句：「十點半Lobby等。」呢一句我突登扮Cool，令自己顯得冇咁興奮。
 
我放低部電話之後即刻入廁所求其執執個頭，就返房拎銀包落咗去，果陣仲係十點搭五，我就一路等一路諗定開場白。
 
「喂，乜咁啱呀？」
 


「食咗嘢未呀？」
 
「咦，食宵夜呀？」
 
……
 
良久，Lift門終於打開，果一刻我真係眼前一亮，平時嘅Candy好鍾意著Skinny，啲線條都已經睇到我眼火爆，依家嘅佢仲要著住條沙灘褲，成隻白滑靚腳Show晒出嚟，仲要白到反光、白到有啲青筋，完全一啲剃腳毛嘅痕跡都冇。而佢上身就一件緊身Tee，成個Bra型見到晒，淺啡嘅短髮仲要濕濕哋，一定係啱啱沖完涼香噴噴……
 
「做乜咁好興致約我食宵夜呀？」我講咗句唔係預先諗定嘅對白。
 


「冇呀，你唔鍾意食咪唔好去囉。」講完佢仲對住我伸脷，老子真係少啲定力都即刻衝上去吸住佢條脷唔放。
 
「唔係，其實我都好肚餓。」我笑咗一笑。
 
途中我經常有意無意咁留守喺佢後面，望實佢條沙灘褲上面現出嚟嘅底褲印，嗚哇……好淫亂呀！
 
行咗冇幾耐，就到咗宵夜檔……