《聽說她是一隻Hell雞……》: 第六節

果日之後就係一連兩日嘅假期，由於當初我Reg科果陣錯手將學校Pre-reg俾我果啲科Drop晒，所以我第一個學期係冇Day-off嘅。
 
星期六摺埋喺房其實都幾悶，拎起部電話，Check吓從來唔會有人搵嘅Whatsapp，突然間諗起Candy，腦海閃過一絲搵佢傾吓計嘅衝動，但念及佢可能接緊客，廢事阻住佢返工啦，一個唔小心仲要俾人燒春袋，所以都係上吓高登消磨時間算。
 
直到星期日夜晚，果晚掛住做份濕鳩Assignment，連晚餐都冇食，加上我一邊做一邊又上吓高登，所以效率奇低，一直做做到十一點半先做完，個肚餓到打晒鼓咁，於是我就決定毒撚出城買宵夜。
 
其實我有個習慣，就係搭Lift果陣好鍾意唱歌，咁當然呢次亦不例外啦，依家夜深人靜，啲人聽日又要返學，應該冇乜人喺呢個時候搭Lift嘅，所以我唱得更加放：「肥婆任我踩，Lin頭損晒，不想早洩只想碌嘢被放大……」
 
唱唱吓突然「叮」一聲，我知道部Lift已經落到地下，於是我收起咗我動人嘅歌聲，扮到好似冇嘢咁準備出Lift，點知Lift門一開，我已經心知不妙……
 




本身喺Lift度唱歌俾人聽到已經柒到甩轆，唱咸歌俾人聽到更加柒到核爆，有咩柒得過咁？唱咸歌俾人聽到兩次？錯！
 
呢一刻我見證住朝與暮嘅交替、四季嘅轉換、時代嘅變更……Lift門出面果個，竟然係Candy！佢掩住個嘴喺度忍笑，乜都冇講。
 
「咦？Candy？咁啱嘅？」果一剎那我真係柒到標冷汗，所以我決定講吓嘢緩和緊張嘅氣氛。
 
「啱啱喺出面返嚟咋嘛。」Candy帶住笑意繼續講：「估唔到Jack你又幾好歌喉喎，有冇諗過玩Sing Con？」講完之後佢笑得仲誇張。
 
「哈哈……」我乾笑咗幾聲，話：「我去買宵夜先，下次再講。」然後就加快腳步走咗，我真係唔敢望返轉頭，我只係想捐返入我阿媽個西度重新出世……
 




去買宵夜嘅路上我冷靜咗落嚟，平復情緒之後諗：「咦？點解佢咁夜先返嚟嘅？唔通真係喺出面接客？」一諗到呢點，我心情即刻Down晒，食龍肉都冇味……