[有聲故] [少甜] 我同時做左三間大學嘅學生: Ruby 家 (4)
-----
又是在紅磚上課的日子，幸好今天是星期五。今天上課的時間頗令人有挫敗感，我開始對科目內容感到有心無力。始終，時裝設計講求的並不是憑一點小聰明和一般讀書技巧便能蒙混過關。課後我拉了Ruby到學生飯堂二人午餐，呼，能吃拉麵令我心情好點。
「呀東乜你真係咁鐘意食呢度d拉麵？」 坐我對面的Ruby問。「好似同親你食lunch都係黎舊can嘅。」
「都係架，呢度d拉麵質素唔錯，加三蚊仲有低糖綠茶飲，簡直係超值~」我喝著綠茶懶洋洋的說。「Ruby妳食厭左嗱？」
「又唔係…但係呢度油煙味好重，d衫又要洗喇…係喎，今晚你係唔係上黎我屋企睇劇？」
「係呀上去呀，Previously on the Walking Dead...」我故意壓低聲線扮劇集旁白。
「嘻嘻低b~ 快d食完傾功課啦，你成日都唔番學！」Ruby 笑著催促我。「搞唔掂份嘢罰你今晚自己番屋企睇呀。」
「唔…唔唔…」手機傳來一段短訊，我快速眺了眺，標示著寄出者「山城阿璃」：「喂，上次喺我度傾嗰個Presentation，我Refine左個ppt，你睇睇」
「啊…對唔住呀，我唔係有心想做free rider 架。」我邊故作沒事收好電話邊帶點慚愧地對Ruby說。唉，其實我是有苦衷的…
「唔…唔唔…」手機又震，我再快速拿出電話眺了眺，標示著寄出者「又一城大 Prof. Christy Chan」：「陳日東同學，請記得下週三到我辦公室進行改善學習進度跟進面談。」
「嘿…好多人搵你喎，大忙人。」對面Ruby擺出一副呷醋的模樣。唉，其實我真是有苦衷的…
---
在Ruby家中與她翻雲覆雨後，我倆躺在床上。倦極的我準備進入睡眠狀態。
「喂，東東。」
「唔？」
「呃…我有d嘢同你講。」
「哦？」
「其實…我同我個Ex一齊番。」
「下？咩話？」我從快將入眠狀態驚醒，懷疑自己是否被alpha波影響下幻聽了。
「對唔住呀，其實我唔想呃住你…我都知對你好唔公平，所以一直都想搵機會同你講…」Ruby看到我的臉色，有點慌張地解釋。「我男朋友…係我中學同學，我地喺中學一齊。不過上大學，佢入到薄扶林大學。自從Ocamp開始，佢同我已經越黎越少聯絡…跟住佢又住hall，生活多姿多彩。喺嗰排我同佢好唔容易終於見到一次，但最後換黎嘅係鬧左一場大交最後分手。我好唔開心，咁啱嗰次呀東你喺度，跟住就…但係之後佢又黎氹番我一齊…」雖然她解釋得有點混亂，但總算把事情講完。Ruby緩緩的從床頭櫃抽屜中拿出一個相架，相架裡有幅合照，應該就是她跟她男友。哎…難怪當初第一次上床之後，Ruby都沒有意思要說清我們的關係，害我還傻乎乎的以為自己撿便宜。仆街！我之前還高興地跟她玩６９…原來我只是個救生圈，就拋出海再算。被一個自以為很親密的女生瞞住，感覺真是令人難受。
「嗯…」我嘗試從驚訝中冷靜下來，回想起來，當初我好像只是一時貪玩才與Ruby搞上了；何況，我也瞞住了Ruby，對山城的阿璃起過色心…勉強可以算作打平手吧。
「唔…」Ruby仍緊緊捉住我的手。
「咁…我地依家算係乜嘢關係…SP (Sex Partner)？」我有點消極的問她，到這階段，我仍有點不知所措，把關係弄清楚也是遲早的事。「又或者，可能用FWB (Friend with benefits) 形容得貼切d…？定係，妳想斬纜？」
「唔係！…我對呀東你係有感情架，如果唔係都唔會同你做…對住冇感覺嘅人，我唔會同佢做、我亦都唔會濕…」Ruby為了解釋，開始口不擇言。「我覺得我地係SL (Secret Lover)。我feel到呀東你對我嘅愛，平時你點樣就我、陪我癲、陪我喪，我睇到架，仲有嗰次同我一齊彈琴唱歌…」
「咁點解妳又同一齊番…妳最後都係揀番佢…」
「我想有人愛我，佢氹番我一齊之後冇耐又係繼續咁樣冷待我，我覺得真係同單身冇分別…我只想多一個人錫我、關心我。其實，個個人都係想有多D人鍾意姐。」
「…但係我地咁樣，對你男朋友公平咩？對我，又公平咩？」
「呼，其實倒頭來，SP、SL、FWB、女朋友、老婆，都只係一個稱呼姐。我覺得最緊要係感覺，就算做埋夫妻但係冇感覺，咁有冇呢個稱呼，重要咩。」Ruby淡淡地說。「我對你有感覺，你呢？」
「唔…」光只是看著Ruby完美的胴體，我根本已經沒辦法拒絕。「…我對妳有感覺。」
「咁就好喇，東東。」她想攬住我，我卻輕輕躲開。
「咁…妳覺得我地呢段關係仲應唔應該繼續落去…同埋，我地可以咁樣幾耐？」我問。望著Ruby一面躊躇好一陣子，我猜她一時三刻是回答不了這條問題。「不如我地暫時冷靜一下先，俾幾個星期大家考慮清楚，好唔好？」她仍不置可否，我便當她答應了。
「都夜喇，今晚我都係唔喺度過夜啦。」我輕吻她前額，然後穿回衣服。「趁我地仲有機會番轉頭，諗清楚，好唔好？我唔想到最後傷到大家。」我不想因一個放下良心，三個也傷心，說罷我便離開Ruby住處。
那晚之後，我和Ruby刻意暫時保持適當的距離，無論上課還是課餘都只有簡單的「Hi」和「Bye」。
「喂喂喂，你覺唔覺Ruby呢幾日好似怪怪地咁？」Edward趁Ruby去洗手間時問我。
「…唔？有咩。」
「佢真係有D唔妥呀…尋晚我打俾佢，佢無端端爆我Seed，我咩都未講鬧我煩，情緒失控咁。」Edward憂心忡忡的說。「今日仲要見到佢眼腫腫咁番黎上堂，我有d擔心。」
「嘿，你做咩咁關心人地呀，唔通你鍾意左人地？」Ruby這樣自然是因我而起，我隨口岔開話題，只要不會聯想到跟我有關就好了。
「？！」Edward吃驚的望著我。
「？？！」我詫異地望著Edward，不會吧？
「嘿嘿，Edward哥乜你咁有眼光呀。」我口雖這樣說，心底卻想著：「哇屌…唔係咁老套掛…真係同班男女男？？」
「哈…其實唔知由幾時開始，我對Ruby嘅關心超越左普通同學嘅程度…我諗我鍾意左佢。」Edward有點尷尬的向我自白。「呀東拜託千萬要保守呢個秘密，我唔想打草驚蛇…」
「哦，好～」Ruby有男朋友一事我自然不會跟Edward說，這要靠他自己領悟。
「咁就好喇。係呢，呀東你會唔會幫我，助我一臂之力追Ruby？」
「幫，幫。」我不好意思拒絕。
「咁就好啦！呀東，好兄弟！」唉，現在的關係已經夠亂，希望不會再亂局吧。