[有聲故] [少甜] 我同時做左三間大學嘅學生: 約見 Christy

---
 
在星期二跟Professor Chan約定見面的日子轉眼便到，今天是星期四，上了一整天課後我便乖乖準時的去找Professor Chan。一想到要與Professor Chan單獨見面，我的心如小鹿亂撞；另一方面卻有點擔憂，怕我在三所大學上課之事被揭發。若被揭發了怎麼辦？Ruby怎辦？阿璃怎辦？
 
第一次進到Professor Christy  Chan的辦公室，我無聊的環視辦公室內的佈置；兩個放滿書的書櫃，一張簡潔的工作桌，桌上架著兩個Apple Retina cinema display、Apple magic keyboard + trackpad、 Apple TV。我還看到Apple tv盒子上有兩個相架；一幅是Professor Chan遠足的單人照，另一幅是家庭照，照片內Professor Chan幸福的抱著嬰孩，而旁邊想必是她丈夫吧。
 
「啊…Professor Chan 咁夜都唔走，唔洗番屋企照顧bb咩？」我雙眼放空，有點倦意地說。「估唔到Professor Chan妳咁後生咁靚女已經有一個美滿家庭。」
 
「就係因為要跟進你呢位問題同學嘅學習進度，所以先咁夜仲要留喺度。」Professor Chan有點哭笑不得。「叫我Christy得啦。仲有，呢個世界有樣嘢叫工人。」
 


「啊！係賓賓定印印？依家再請過工人好難啊，最近我屋企個工人先話黎緊唔做，要番鄉下湊仔。佢喺我地屋企做左十幾年，好幫得手，真係可惜。佢叫我地再請要小心d，依家好多都好衰，做幾個月就偷嘢唔撈，扮和平解約，再去勞工處反咬僱主違約解僱…」我滔滔不絕的說。
 
「唔…我都有聽過，我都煩緊要再請過…喂唔好離題，今日係要跟進陳同學情況…」Christy嘗試把話題修正，但又被我打斷。
 
「啱啦，我有幾個好d嘅工人agent電話，係我屋企人朋友，有信心保證冇咁易中伏架，你抄低丫。」
 
「好…唔該陳同學。要講正題啦，陳同學點解上我堂出席率咁低？」Christy嚴肅地問，我再怎東拉西扯也逃不了這個問題。
 
「呃…」怎也不能說是因為要念三間大學吧。「其實我都唔想架，呢排屋企出左d問題，所以時間上安排有困難。」我面有難色的胡亂編了一個籍口。
 


「陳同學你有任何學業或者其他困難，好應該搵學系職員協助啊，大學有好多資源支去援學生。」Christy面色稍為緩和。「好彩我係你tutorial老師兼學系主任，又咁啱發現到。希望陳同學你清楚你嘅出席率同成績係會影響到我地學系嘅聲譽，如果情況太差我仲要幫你向學校解釋啊…」看來我為Christy增添麻煩了。
 
「對唔住呀，Christy其實我真係好想上番之前miss左嘅堂，學番錯過左嘅嘢架…但係屋企問題真係令我行唔開，錯過左D堂…」
 
「嗯，我都明有時家庭問題唔係一時三刻可以解決。陳同學你有心pickup番嘅話都唔會太遲嘅…」她望住那幅家庭照，頓了頓。「一係咁，以後一星期有一晚你過黎呢度，我幫你補課，attendance 計你合格，deal？」
 
「可以補堂之餘仲有靚女professor夜晚單對單授課，哇仲洗諗~~」我聽到這個絕妙的提議，當然立刻讚成。