我發現左我呀哥成日對住部電話講一種我聽唔明既語言: 25.係你眼中，邊個都可以係你細佬！

我知道我會發呢個夢，係因為我潛意識根本唔想Nir消失，唔想抑壓自己去扮另一個人。
我諗我知道我應該要點做。
我要離開！

細佬放過我幾次，我唔想恩將仇報黎害佢，我決定聽晚趁佢瞓左就偷偷離開，越快越好。我亦唔想深究我走左之後，佢會點！好嬲？好傷心？定好痛苦？
我只知道我地而家係到彼此勉強緊，至少，我覺得自己已經到臨界點。
第二朝，我地食完早餐，細佬拎左一件佢既t shirt 比我，露左天真爛漫既笑容同我講：「家姐！幫我燙呀！」我對佢報以微笑，再拎左件衫幫佢燙，雖然我唔知咁樣做有何意義？t shirt 又使物燙呢？呢到了無人煙，燙好件衫又比邊個睇呢？正當我以為佢又想講：「你應該⋯」既時候，佢只係靜靜地咁住坐係木椅到望住我燙衫，嘴角向上揚，令我猶豫。我燙燙下，發覺佢依然望住件衫，但表情回復淡然，眼神好似望穿件衫，似乎望向佢自己既回憶。佢係咪都發覺自己係到自欺欺人？無論點都好，今日佢有咩要求，我都會盡量滿足佢，因為我今晚就要走。

到左零晨，我留左一張字條，上面只寫左「對唔住」三個字，我就輕手輕腳咁行出房，我見到細佬坐左係長木椅到，嚇我一跳，但我發覺佢係合埋眼既，同埋係寂靜之中我聽到佢平穩既呼吸聲，應該已經瞓左。事不宜遲，我隻手已經放左係門柄，準備開門。





「家姐！你要去邊？」
我另向岩岩仲合埋眼瞓緊既細佬，佢問我。被發現左！我把心一橫，我而家即刻衝出去，上車開車，佢都追唔切，於是，我即刻開門。但，Jack就企左係門，用槍指住我，迫我退返入屋，Jack入屋關埋道門。之後，佢望住細佬無奈咁講：「I have told you. It's danger！」
細佬冇理佢講咩，微笑同我講：「你又話陪我重新開始既？」
我驚訝咁望住眼前既Jack，鎮定後冷笑對細佬講：「睇黎你根本冇諗住放過我，我就算今日唔走，你地終有一日會殺我。」
Jack輕挑咁講:「please shut up! 你有咩資格講呢啲！你想逃走先架！」
「Your turn!」Jack 將槍交左比細佬。

註：Jack係美軍臥底。係潛入撒旦同呀言互相合作。

細佬拎左枝槍，我唔死心咁問佢：「言！我想問你，你有冇一刻，那怕一秒鐘諗過同我重新黎過？」




Jack: Oh no! Could you stop asking such rubbish question?
言：Never mind ! It's her last words.
言再望住我肯定咁講：「冇！你對我既唯一價值只有家姐塊面。」
「我唔信！我唔信！咁你點解要企係我面前擋槍？點解要幫我遮太陽？點解？點解？」我絕望咁講。
言有啲唔耐煩同懊惱咁抓頭，講：「你咁都唔明！嘻！或者你呢啲人根本唔會明。屋企人，係唔使你對佢好，你都可以肯定佢會一直陪住係你身邊。而你，你呢種人，只係不停搵個人去對佢好，去彌補你做過既錯事，係你眼中，呀Q可以係你細佬，小七可以係你細佬，我又可以係。係我眼中只係個笑話，只係個笑話！明唔明？明唔明呀？」佢好激動咁嗌出黎。

我聽完絕望咁跌坐係地下，我真係咁既人咩？我係一個咁自私而又不自知既人？既然我係一個咁既人，我唔介意衰多兩錢重。我冷漠咁講：「死之前，我想問你最後一個問題⋯我好好奇⋯⋯點解，你家姐，咁，憎，你？」

#黑柴的話：
仲有兩篇就結局啦！星期五或之前會發佈結局。




多謝支持！🙇🏻


#有興趣可讚黑柴Facebook
https://www.facebook.com/%E9%BB%91%E6%9F%B4-879053098899020/