我發現左我呀哥成日對住部電話講一種我聽唔明既語言: 7.細佬！我地從新黎過，好冇？

「細佬，放過我！我地從新黎過，好冇？」

我猶豫左幾秒。
「呀⋯⋯」我大嗌兼舉起支鐵通大大力毆落去。
「我呀哥從來都唔叫我細佬，只叫我全名。記住，我叫余家言。」我繼續毆佢。

------------------------------------
「呀sir，岩岩我地撞開左道鎖，發現入面一個人都冇，應該走甩左。」
「撞開左道鎖？」
「係呀！一開始道門係鎖住既。」




「你班友係咪傻架？走佬會唔會咁有手尾鎖埋道門呀？擺明比人帶走啦！岩岩叫你放佢入黎個個男仔呢？」
「佢話周圍搵下，唔見佢。」
「弊！」
呀sir即刻拎起電話打比呀言。

-------------------------------------

「喂！余家言，個恐怖分子係咪你帶走左。」
「呀sir! 我想你答我一個問題。我幾時先可以拎返我家姐呀哥塊面？」
「余家言，你而家係邊？你唔好輕舉妄動。你知唔知你就咁帶走佢好危險？」




「你未答我問題。」
「警察有自己既執法方式，即刻帶佢返⋯」
嘟～嘟～
冇等佢講完我就收左線，我諗我好清楚佢既答案啦！我將部手機丟落地下，講：「我都有我做事既方式。」

呢個時候我聽出面有人撞門，我衝去執返支槍，時間無多。
我除低自己自己件外套，蓋左係「呀哥」面上。
「呯！呯！呯！」出面有人開槍打個鎖。

我即刻用槍指住「呀哥」個心口，講左句：「永別啦！」




「呯！」唔係我開槍，係有人撞左入黎天台一槍打飛我支槍。佢係一個中年男差佬，佢衝過黎我到，狠狠咁打左我一拳，令我跌左落地下。佢講：「為左呢d仆街坐監，值得咩？」
「值！」就差小小，我好唔憤氣。

個差佬冇再理到我，行左去「呀哥」到，抽住佢衣領，梗塞咁講：「我個女⋯我個女⋯得17歲咋！點解？點解⋯你地點解咁對佢？」
原來佢都係受害者家屬，難怪！「呀哥」已經比我打到奄奄一息，比唔到反應。

個差佬將支槍指住呀哥心口。
「呯！呯！呯！呯！」開左4槍，「呀哥」先變到一d反都冇，死左。

呀峰、呀聰係出面見到成個過程呆曬，之後大粒野呀sir就帶住一大班人衝左入黎，幾個差佬入黎禁低我。大粒野呀sir見到「呀哥」已經死左，佢大聲鬧我：「你係咪癲左呀？」
「我諗係啦！」我比佢地禁係地下冷笑。

「呀sir! 佢係我殺既！」中佬呀sir對住大粒野呀sir大嗌！
「你知唔知你講緊咩呀？」大粒野呀sir鬧佢。
「岩岩我想拘捕佢，但佢拒捕不得止仲想對我地開槍，所以我先開槍打佢。」




「槍槍打心口，你玩我呀？」
「我冇玩你，sir！」

大粒野呀sir比佢激到癲咁制，講：「我返到去先攪你。」
然後望住我同禁住我個班人，講：「放左佢。」

待續

#有興趣歡迎讚黑柴Facebook
https://www.facebook.com/%E9%BB%91%E6%9F%B4-879053098899020/