[有沙入眼]是咁的，我覺得我住嗰度有啲唔妥: 214遊戲劇本
就以依個最完美嘅舞台，為我同月曦嘅夢落下謝幕。
雖然我唔識拍片，無辦法令自己嘅恐怖作品喺真嘅戲院上映，但我可以同月曦睇喺遊戲入面上映嘅恐怖片段。
當時我腦入面終於將所有需要嘅碎片組合成有意義嘅圖像。
細個成日喺圖書館用電腦，令我對電腦程式有興趣，而家正正讀緊電腦，我具備充足嘅相關知識。再加上成日睇故事，令我具備比較好嘅寫作能力。只要將程式同故事結合……我可以整一個遊戲出嚟……一個恐怖遊戲。
夢想嘅圖像輪廓終於成型，但具體內容仲未諗清楚。
我拎出紙同筆，開始串聯以前記低嘅概念。我將「花灑噴血」、「無法報警」、「貞子」、「紅衣女鬼」、「大門反鎖」等等嘅字眼串連起嚟，變成一個個鬼故。
「阿哥你寫緊咩？」
「我寫緊遊戲劇本呀！你都幫手吖！」