[有沙入眼]是咁的，我覺得我住嗰度有啲唔妥: 209接受現實

「哥哥，你睇你睇，我搵到依套戲，我地一齊睇吖。」

VCD盒上有一條笑笑口嘅大白鯊，望住眼前嘅橙色魚同藍色魚。

《海底奇兵》。

我沉浸於恐怖之中；月曦沉浸於海洋之中。

其實我應該知道，由好早以前開始，月曦睇恐怖故事同鬼片嘅時候，眼中已經無咗一開始體驗恐怖嗰陣嘅期待同神采。

就算睇同一套恐怖電影，我同月曦都再唔會有一模一樣嘅震撼同共鳴。

係時候接受現實喇。