[有沙入眼]是咁的，我覺得我住嗰度有啲唔妥: 204海
嗰一日，我喺圖書館搵咗一本叫《嬰怨》嘅鬼故睇。但我翻位嘅時候，月曦手上嗰本已經唔再係恐怖故事書，而係《海洋魚類的奇聞軼事》。
無奈有一瞬間纏繞我嘅嘴角，將向上嘅天真弧度永遠抹去。
「阿妹⋯⋯你唔睇鬼故喇？」
唔能夠期望自己以外嘅人，好似自己咁一直咁鍾意同一樣野。
「係呀，嚟嚟去去都咁上下，有啲悶喇。」
就算我覺得悶，但仍然希望接觸更加多驚悚故事。而月曦就選擇轉向另一個領域。我當然好想月曦繼續同我一齊睇鬼故，但有啲野係逼唔嚟。朋友唔再睇漫畫，唔再睇韓劇，我地有權繼續堅持自己嘅興趣，但又有憑咩強迫佢地留喺已經無興趣嘅領域？
「比起鬼故，海嘅故事得意啲。你睇你睇，依條魚好得意呀。」
曾經有過嘅，兩個人嘅共同興趣，總有一方無辦法奉陪到底。