[有沙入眼]是咁的，我覺得我住嗰度有啲唔妥: 193謎團

腦入面嘗試將未解嘅謎團一一列出。

嗰項植入技術具體嚟講係咩技術呢？

我要見翻嘅人，係邊個？

邊個將我嘅意識植入恐怖體驗？

邊個將月曦嘅意識植入恐怖體驗？



點解我地可以嚟到依一片海底？

第三個人係邊個？

點樣離開海底，翻去進行淨化？

可惜就算列出問題，我都唔知點搵答案。

「仲有人，我地要救埋佢。」月曦嘅說話將我嘅思緒拉翻嚟現實。



「咁我地首要做嘅就係翻去例得村，喺嗰度繼續淨化應該就可以見到第三個人。」

「我地到底仲要淨化到幾時？我唔想再記翻起關於你嘅事。」

心微微發痛。

「如果我嘅記憶無錯的話，跟住落嚟嘅體驗應該就係最後一個，只要淨化埋佢就可以登出。」

「咁仲有一個人點？」



「吳非凡講過我繼續淨化就可以見翻一個人，我地登出之前應該可以見到佢。」我停一停，因為月曦發現貝殼可以打開，佢話：「喂，依度有條罅。」
佢指向兩片貝殼交接嘅邊緣，確定我見到之後就去開塊貝殼。