[有沙入眼]是咁的，我覺得我住嗰度有啲唔妥: 162永遠係
其實我唔講，佢遲早都會發現第二集。
但佢一定寧願相信自己同嗰個男仔，係第一集入面嘅陳浩然同高小曼。
愛情之所以信唔過，係因為感覺可以話無就無。就算從你眼中找到了拯救幾秒鐘，只不過期望已經不同。
「你無諗過會分手？」
「啋過你把烏鴉口！都未開始就咒我分手。」Lucy拉開櫃筒拎衫褲，轉身準備去沖涼。
腳步停低咗。
「阿哥，如果有咁嘅一日，你會唔會拯救我？」
我清一清喉嚨，唱：「我要將你拯救，逃離人類荒謬。」
「嘿嘿，白痴阿哥。」
我應承過媽咪。
放心，白痴阿哥永遠係你嘅金仔。