[有沙入眼]是咁的，我覺得我住嗰度有啲唔妥: 160金仔
「曲金鉉⋯⋯金仔。」依個角色名好鮮明咁烙印喺腦入面，而我追到live嘅時候，個故事亦啱啱好完結。
好神奇地，嗰一排我發現Lucy開心咗好多，夜晚翻到屋企之後就會聽到佢哼歌，〈哪裡只得我共你〉，同自言自語：「金仔～金仔～」
明明睇故事嘅時候流哂眼淚，但係佢嘅心情喺本質上有少少改變咗。
「妹呀，你搞咩？」
Lucy甜笑：「我等緊我嘅金仔呀。」
你發姣下話？
「哥。」
「咩？」
「我覺得自己好好彩，嗰日無自殺。」Lucy喺廚房清潔阿婆嘅食物盒同暖水壺：「如果我死咗，就唔會睇到依個故事。睇唔到，我就唔會知道，如果死咗，就無辦法遇到拯救自己嘅人。」