[有沙入眼]是咁的，我覺得我住嗰度有啲唔妥: 146仲有一半
我用右手撐起身體，借推力碌落床，成功引起阿婆嘅注意。
佢望吓我，又望吓Lucy，好似一時之間唔知應該向邊個落手先好。
我扶住床邊起身，無咗隻左腳真係唔係好企得穩。
淨化仲未完成。
由我身體只有一半回復原狀嚟推測，Lucy將體驗淨化咗一半，仲有一半需要我嚟進行。
阿婆轉向我，睇嚟佢最後揀咗我。
一步，兩步，我地嘅距離漸漸縮短。
你問我對今次嘅淨化有無咩頭緒，我真係只可以答：「完全無。」
直到而家，我腦入面仍然有一塊巨大嘅空白。記唔翻以前嘅事，嗰種感覺真係好差。
菜刀舉起。
「變翻BB！！！」