[有沙入眼]是咁的，我覺得我住嗰度有啲唔妥: 141陪到幾耐，就陪幾耐

Lucy不停喊，阿婆抱住佢，粗糙嘅手格外小心咁撫摸佢嘅頭髮：「好喇好喇，唔洗驚，阿婆喺度。」

Lucy抽搐住，索兩吓鼻水：「阿婆⋯⋯」

「嗯？做咩？」阿婆微微側頭，捲曲嘅髮絲有一撮喺耳旁瀉落，面上嘅皺紋因為笑容而刻得更深。

「你係咪會一直陪住我架？」

阿婆諗咗一諗。



大概，無可能一直陪住。

小朋友，係未見寒冬嘅嫩芽。

而老人家，已經係步入嚴冬嘅枯樹。

佢望一望自己粗糙嘅手，釋懷咁呼咗口氣，繼續撫摸Lucy：「陪到幾耐，就陪幾耐。」