[有沙入眼]是咁的，我覺得我住嗰度有啲唔妥: 114靈魂嘅平台

「你好似好開心咁？」

「因為咁樣假設，就覺得可以喺VR世界見翻一啲已經離開咗嘅人。」

「你意思係重播回憶嗰種見？」

我伸一伸懶腰：「唔係嗰種喇。咁講啦，有人離開咗之後，我地喺現實世界都可以睇相睇片望見佢地，但始終只係過去嘅佢地吖嘛。我意思係好似現實世界見到鬼嗰種見，同佢地講野，有互動嗰種。」

吳非凡個樣介乎明同唔明之間：「你咁樣假設，係咪會開心啲？」



「都會架。」

「咁你喺現實世界等撞鬼咪得。」

「點同呢？電子世界只要有意識就可以交流，靈魂要潛入虛擬世界，點都比嚟現實世界簡單啦。」

「咁到時，人嘅死亡仲有咩意義？如果靈魂就係意識，而意識可以留喺虛擬世界嘅平台，人類某個程度上係得到永生喎。」

「無架喇，肉體會消亡而意識一直留喺虛擬世界囉。畀開心快樂嘅回憶包圍，到靈魂都消逝為止。」