[有沙入眼]是咁的，我覺得我住嗰度有啲唔妥: 87面具

但血液不停喺佢嘅斷腕同被斬嘅左肩噴出嚟，唔捱得幾耐。

豬肉佬把刀卡住喺Lucy嘅皮肉之間，需要多少少力氣同時間先可以抽翻出嚟。

「嗚呀呀呀呀呀呀！！！！」我大叫，趁佢未抽到把刀出嚟嘅短暫空檔喺地吓跳起，伸出右手捉住豬肉佬嘅豬頭。

用力，向上扯！！！

豬頭就好似面具咁畀我抽走咗，淨低一個黑白髮雜生嘅人類頭顱。



佢抽出豬肉刀，擰轉頭，面上嘅表情令我錯愕到企喺原地，一個單音都發唔出。