[有沙入眼]是咁的，我覺得我住嗰度有啲唔妥: 70信住先

Lucy猶豫一陣，伸出手：「點解你唔畀把殺傷力大啲嘅菜刀我？」

「因為拎菜刀嘅人，要企喺前面。」我望住佢對眼，堅定咁講。

唔理Lucy係唔係我個妹都好，我都覺得自己有責任喺依個世界保護女仔。

Lucy聽完，點點頭，收咗把生果刀。或者喺依一瞬間，佢係真正信任我。

「睇嚟你真係開始信我。」



「都話信住先。」

「咁我問翻你少少野，當交換情報。」

Lucy點點頭，我就問佢有無一啲模糊嘅心寒記憶。