[有沙入眼]是咁的，我覺得我住嗰度有啲唔妥: 68Lucy

我有少少失望：「唉，算啦，可能關鍵字唔同，共鳴唔到。咁你叫咩名呀？」

「我叫⋯⋯咦？」

唔駛問都知佢連自己叫咩名都唔記得。

不過既然係我個妹，我應該記得佢叫咩名先啱⋯⋯我喺腦海入面探索，無盡黑暗之中好似隱約見到兩個英文字。

LU？仲有兩個字記唔清楚⋯⋯LU乜乜呢？



「好啦，既然你唔記得就我幫你起個名先，就叫Lucy啦！」

「點解要畀你改名喎！」Lucy睇嚟好抗拒。

「咁我叫你阿妹囉，但你話你無阿哥丫嘛，唔係點叫你喎？」Lucy聽完有啲唔服氣，我繼續講：「你喺依個世界慢慢回復記憶，記翻個名嗰陣咪用翻真名囉。」

佢心不甘情不願咁哼一聲：「點解叫Lucy先？」

因為你露西。



「求其改個名之嘛！」

Lucy一面懷疑嘅神色，但睇嚟佢唔知Lucy有咩意思，所以最後都係乖乖接受。

「咁我叫你阿金啦。」