[有沙入眼]是咁的，我覺得我住嗰度有啲唔妥: 64我無阿哥

佢咁唔冷靜我真係好鬼谷氣，但轉念諗吓又覺得佢嘅不安係情有可原，再加上下一次恐怖體驗唔知幾時會再嚟，依個時候我應該做啲野令佢安心，盡快同佢交換情報。

如果無記錯⋯⋯床下面個櫃筒好似擺咗衫褲。

我行過去，阿妹又縮一縮，我將雙手舉於胸前表示「投降」，可惜佢眼神中嘅戒心絲毫未減。

講多無謂，行動最實際。

我拉開櫃筒，真係有衫褲，於是隨手拎起抛畀阿妹。



「著衫啦，我唔係咸濕佬呀，我係你阿哥。」講完，我就擰轉頭唔望佢，等佢著翻衫先。

「你係咪有病？我無阿哥架喎。」