[有沙入眼]是咁的，我覺得我住嗰度有啲唔妥: 63咸濕佬

塊面即刻畀佢打咗一巴，然後我中路比佢入到正，一野將我推開，搞到我扑落地碌咗個圈，後腦撞牆。

「呀依度係邊度？你個死咸濕佬又係邊個？做咩除哂我啲衫呀！」啡髮美女⋯⋯我個妹縮去牆邊，雙手護住自己胸前兩點，大脾嘅屈曲角度啱啱好遮埋下體。

一陣無名火喺我心口自然咁蔓延，我摸吓後腦確定無流血之後就鬧翻佢轉頭：「你就死咸濕佬！我得鬼閒除你啲衫呀！係你自己無著衫炸弱智露體狂！」

「呀呀呀！救命！有無人呀！」

「你嗌啦！你嗌破喉嚨都無人理你架！」依個遊戲世界真係無人會理，如果嗌救命有用我諗我都唔駛死咁多次。



「講埋哂啲強姦犯對白，你仲話你唔係咸濕佬！」