[有沙入眼]是咁的，我覺得我住嗰度有啲唔妥: 27鐵閘

我本身以為過一兩分鐘佢又會再鑿，但係棟咗喺佢門口足足五分鐘，都無再傳出煩人嘅「咯咯」聲。

「係要屌老母先收，伯母攰家嘛。」我翻入自己屋，正想閂鐵閘，隔離屋就開咗門。嚇咗一跳嘅我即刻閂門。

「係咪有人呀？」隨住開鐵閘聲響起之後，門外傳入一把男聲，應該係佢伸個頭出嚟望走廊確定有無人。梗係有人啦，唔通有鬼屌你老母咩！

閂門聲。

睇嚟佢都無閂鐵閘。



我本來應該開門閂閘，但係我腦海入面好似有啲模糊嘅記憶，硬係覺得閂咗鐵閂會有啲唔好嘅事發生咁。

「算，唔閂。」我一方面順從腦海嘅不詳預感而行，另一方面其實係我懶得再開一次門，費事驚動個𢦀尻鄰居。