[有沙入眼]是咁的，我覺得我住嗰度有啲唔妥: 23乖孫

我搖一搖頭，等自己唔好浪費腦汁諗啲唔等駛野。

當我想撐起身嘅時候，先發現自己對手唔見咗。

準確啲講，係比人斬斷咗。

手踭位以下嘅前臂同手掌都不翼而飛，我對手就好似畀人磨平咗嘅木棍咁。

「啞啞啞啞啞……！」本能反應驅使喉嚨尖叫，但只係得翻沙啞嘅單音，我啞咗。當發現口部嘅異狀嗰陣，我下意識用條脷探索一下自己口腔，發現啲牙無哂，得翻穿窿嘅牙肉靜靜滲血。



突如其來嘅肉體巨變令我嘅精神處於崩潰邊緣，我抱住一絲希望將視線移去自己對腳。

無埋。

眼淚湧哂出嚟，喉嚨發出「啞啞啞」嘅慘叫，我已經講唔到野，成個小朋友咁狂喊。

無咗呀……我啲牙……同手手腳腳都無哂呀！

「乖孫，你醒喇？」