[有沙入眼]是咁的，我覺得我住嗰度有啲唔妥: 18阿婆

是咁的，我覺得我住嗰度有啲唔妥。我已經唔係第一晚聽到有人半夜慘叫，不過我唔夠膽出去睇，因為我驚自己會成為下一個獵物。

我無視幾晚以嚟嘅慘叫聲，強逼自己訓，但始終心入面唔好受，搞到睡眠質素好差。

第二朝起身，星期日，難得唔洗翻工，我決定留喺屋企抖下。

望住開始發臭嘅垃圾袋，一陣嘔心感爬上口腔，於是我就的起心肝清理咗啲垃圾佢。

我提住垃圾袋行出屋外，依個時候我就見到熱情嘅鄰居婆婆笑住向我打招呼。



雖然婆婆對眼無論咩表情都係撐到圓碌碌咁，有啲得人驚，仲有佢啲行為似有少少精神病，不過人地又無搞到我，所以我放低個垃圾袋之後就點頭回應咗佢。

阿婆打完招呼就將視線轉翻去原本望緊嘅野度，我見佢企喺個水錶前面唔知做乜，就問：「阿婆，個水錶有乜好睇？」