<測謊眼>唔洗呃我啦，我一眼睇得出你係唔係處女: 3
好啦，我又捽一捽眼，發現地鐵入面有唔少女人額頭都有同一粒既紅色野，事情應該真係無我想象中咁簡單。我開始分析有呢粒紅點同無呢粒紅點既女仔既分別。前面一個著旗袍既學生妹，無紅點。皺紋滿臉既老太婆，好彩坐左係關愛座所以無跌親，額頭既紅點非常之深色。左手拎住玩具，右手揸住媽咪裙尾既四歲小妹妹，無紅點。著住一襲卡奇色吊帶連身裙既年輕少婦，日韓系既齊陰髮型，人妻既味道令人想入非非，都係有紅點，不過就比個呀婆既淺色。等等！點解佢齊陰我都會見到佢額頭有紅點？莫非我有透視眼？諗落諗落，有透視眼其實都幾屈機啵，但就算我聚精會神，都係望唔到佢地既底衫褲，睇黎我都係無透視眼。落左地鐵我繼續留意途人，綜合我既觀察，我得出以下結論：一、有紅點既一定係女人，係男人身上我係見唔到紅點既。二、普遍黎講，越大既女人粒紅點越深色，不過有時都會有例外。三、十幾歲既女仔基本上無紅點，由廿幾歲既女人開始就會間唔中出現，三十歲以上既就大部份都有。四、就算係三十歲以上，如果樣子太唔討好或者太肥既話，通常都係無紅點。我諗，我已經知道呢粒紅點既意義。「女人印記」，我決定咁稱呼呢粒應該係破處之後會出現既紅點。不過作為一個有科學探究精神既成年人，我決定做一個嚴謹既實驗。
昏黃既街燈拉長我苦惱既身影，秋風吹到心入面更加增添左我既愁緒，自從今日晏晝隻眼睇到印記開始，個腦就不斷係到諗唔同既問題。假如我真係有分辨處女既能力，咁我應該點運用好呢？顏色既深淺又代表啲咩呢？點解淨係得左眼先見到？除左可以解答到我之前一路都想知道答案既問題之外，我仲可以點樣善用呢種能力呢？做私家偵探幫人查處女？做處女鑑定師搵大錢？定係發表報告去拎美國研究所筆獎金？無論點都好，都係要先確認左我係咪真係有呢個能力。我打開Facebook，睇下如果望住張相既話會唔會一樣見到紅點，結果係只要我集中精神望五秒左右，紅點就會出現，除非果個人本身無紅點。然後我打開女朋友既相，眼大大又可愛既笑容真係世界級，我發現佢額上只有淺淺既紅色，我諗我既推測無錯。顏色既深淺，應該同性經驗既次數有關。紅色越深就代表越多性經驗，越淺就代表越少。為左驗證我既假設，我需要一班可信既女仔黎做測試，向我睇完佢地既相之後，再問下佢地係唔係處女。如果當街當行問人，一定會比人當變態，所以我決定搵自己相熟既異性朋友幫手。終於要揭曉佢地係唔係處女既謎底，雖然我都有幾個紅顏知己，但我都唔係知曬佢地係唔係處女。始終呢啲問題，佢地講既話我好樂意傾，無講既話唔通我主動問咩？係我搵佢地既相出黎睇之前，我首先聯絡左女朋友，叫佢準備幾張Best Friends既相比我，因為我諗住透過佢再去問會方便啲。「你要佢地既相黎做咩呀？」「做實驗。」「做咩實驗呀？」「做完話你聽。」「你唔係諗住J佢地掛？」「你send幾個唔靚但係你熟既比我都得架啦。」「好啦，一陣send比你。」就係咁，我開始左我既處女驗證實驗。